Лаборатория иши №2

Кристаллаш.
Кристалл моддаларни тозалаш усуллари.
Ишнинг максади: Кристалл моддаларни тозалаш усуллари.
Тажрибада керак бўладиган асбоблар: бензой кислота ёки ацетанилид; 50 мл ли кимёвий стакан, электр плита, фильтр қоғоз, воронка, нутч – фильтр, штатив.
Назарий малумот: Органик бирикмаларни кристалл холида чуктириш йули билан тозалаш моддаларнинг хамда айни эритувчидаги қўшимчаларнинг эрувчанлигига асосланган. Айни модданинг эрувчанлиги температураси кутарилиши (пасайиши) билан узгариши керак. Эритувчи қўшимчаларни эритмаслиги, ёки аксинча, уларни асосий моддага нисбатан бирмунча яхши эритиши керак. Эритувчи сифатида органик бирикма олиниб, кристаллаш қиздириш йўли билан олиб борилса, модда қайтар совитгич уланган колбада эритилади. Эритувчи сифатида сув олинса, тажрибани стаканда ўтказиш мумкин.
Эритувчи танлашда эритувчининг қайнаш температураси модданинг суюқланиш температурасидан 10-15⁰С паст булиши керак, акс холда модда мой ҳолатида ажралиб чиқади. Агар тозаланаётган модда бир эритувчида яхши эриб, совитилганда кристаллга тушмаса, бошқа эритувчида эса ёмон эриса, моддани шу икки эритувчининг аралашмасидан кристаллга туширишга харакат қилиш керак. Бунинг учун модда биринчи эритувчида қиздириб эритилади, сўнгра лойқа ҳосил бўлгунча иссиқ эритма устига иккинчи эритувчидан қушилади. Кейин аралашма тингунча қиздирилади ва совитилади. Аралашма совигандан кейин тоза модда кристаллга тушади, у фильтрлаб ажратиб олинади. Эритувчи аралашма сифатида спирт ва эфир, ацетон ва петролей эфир, спирт ва бензол ва бошқалар бўлиши мумкин.


1 – тажриба. Моддаларни кристаллаш.


Ишнинг бориши: Тозаланмаган бензой кислота ёки ацетанилиддан 1 г. олиб стаканга солинг. Устига оз – оздан сув қуйиб аралаштириб туринг ва қайнагунча эҳтиётлик билан қиздиринг. Модданинг ҳаммаси эриб кетгунча сув қуйишни давом эттиринг (15 – 20мл) ва қайноқ эритмани фильтр қоғозли воронкадан ўтказинг. Филpтрни сув жумраги тагида совитинг ва ҳосил бўлган кристаллни нутч-фильтр ёрдамида ажратинг. Қуритинг. Қуритилган кислотани тарозида ўлчанг. Тоза кислотанинг чиқимини ҳисобланг.


2–тажриба. Гидрохинонни қуруқ ҳайдаш (сублимация).