Laboratoriya ishi №1 elektr yoy pechining xarakteristikalarini oʻrganish (4 soat) Reja

III. TAJRIBA QURILMASI TAVSIFI
Oʻquv tajriba stendi yoy pechining elektr qismidan tuzilgan maketdan iborat.
Transformatorning (T) yuqori kuchlanish chulgʻamlari shinalarga ulangan va ulardagi kuchlanish tajriba avtotransformatori LATR yordamida 0 dan 250 Voltgacha oʻzgartiriladi.
Oʻz navbatida LATR uch fazali tarmoqqa avtomat A orqali ulanadi, u kommutatsion apparat va himoya apparati funksiyasini bajaradi. Avtomatning tokli kesim qiymati -17,5 A.
Transformatorning past kuchlanishli chulgʻamiga reaktiv qarshilik X va elektr yoyi parallel ulanadi.
Elektr yoyi diametri 15 mm boʻlgan grafit elektrodlar orqali yoy kamerasida qoʻzgʻatiladi. Bu kamera maxsus nasos yordamida suv bilan sovitiladi.
Eksperiment oʻtkazish vaqtida elektrodlar orasidagi masofani va shu tariqa fazadagi zarur boʻlgan tokni oʻrnatish mumkin.
Elektrodlarni harakatlantirish yuritmasi qoʻl bilan amalga oshiriladi va elektrod qoʻl mexanizmi oʻng tomondagi panelda joylashgan.
Oʻlchash asboblari (A ampermetr, voltmetr V, vattmetr Wh) ham stendning old qismida joylashtirilgan. Priborlarning ulanish sxemasi talabalar tomonidan yigʻiladi.
Asboblar mahsus panellarga joylashgan qisqichlarga ulanadi, panelning yuqori kuchlanishli (YUK) tomoni tarmoqqa, quyi kuchlanish (PK) tomoni esa yoyga ulanadi.
Oʻlchov transformatori sifatida tok transformatori (TT) ishlatiladi, uning transformatsiya koeffitsienti 50/5.


IV. TOPSHIRIQ.
1. Salt ishlash va qisqa tutashuv tajribalarini oʻtkazish;
2. Tajribadan aktiv quvvat va quvvat koeffitsientini tokka bogʻliqlik grafigi qiymatini olish;
3. Qisqa tutashuv va salt ishlash tajribalaridan ekvivalent almashtirish sxemaning parametrlarini hisoblash. U_d=U; X_k, R_k, X_o, R_o;
4. Aylana diagrammasini qurish;

5. 
   Aylana diagramma orqali yoy pechi elektr xarakteristikalari bogʻliqlik grafiklarini qurish:
   

- Aktiv quvvat –P;

• 
  quvvat koeffitsienti cosφ;
  
• 
  yoy quvvati P_duga;
  
• 
  yoy kuchlanishi U_d;
  
• 
  FIK η;
  
• 
  elektrod toki I_d.
  

6. 2 va 5 punktlardan olingan xarakteristikalarni solishtirish.