Лаборатория иши №1 Аналитик кимё лабораториясида ишлаш техника хавфсизлик коидалари

IV. Кобальт катионининг хусусий реакциялари.
1. Аммоний радонид билан ўтказиладиган реакция
Аммоний радонид NH₄CNS Co²⁺ ион билан (NH₄)₂[Co(CNS)₄] таркибли комплекс тузни хосил килади:
Co²⁺ + 4CNS^- → [Co(CNS)₄]^2-
Эритмага амил спирт (ёки унинг эфир билан аралашмаси) кўшиб чайкатилса, хосил бўладиган комплекс бирикма шу эритувчилар каватига ўтиб (сувга нисбаттан уларда яхширок эригани учун), уни кўк рангга киритади.
Co²⁺ ионнинг бу характерли реакциясини килиб кўришда [Co(CNS)₄]^2- комплекснинг нихоятда бекарорлигини назарда тутиш керак (К_{бекарор} = 1* 10^-3).
Шунга кўра реакция яхши чикиши учун комплекснинг Co²⁺ ва CNS^- ионларга диссоциланишини камайтириш, яъни CNS^- дан кўпрок киритиш керак. 2 томчи кобальт (II) тузи эритмасига 8 томчи NH₄CNS нинг тўйинган эритмасидан озгина (каттик тузидан солинса янада яхши) ва 5 – 6 томчи амил спиртдан кўшилади. Fe³⁺ ион бу реакцияга халакит беради, чунки у аммоний роданид билан кизил – кон ранг бериб, Со²⁺ ион хосил киладиган рангни бўгиб кўяди. Шунинг учун эритманинг кизил ранги йўколгунча NH₄F ёки NaF эритмасидан кўшиб, Fe³⁺ ион [FeF₆]^3- комплексига богланади.
Реакция мана бундай ўтказилса янада сезилувчан бўлади: бир оз кислота кўшилган 1 – 2 томчи текшириладиган эритмага (агар Fe³⁺ бўлса, бир неча миллиграмм курук фторид кўшиб) аралаштириб туриб NH₄CNS нинг ацетондаги тўйинган эритмасидан 5 томчи кўшилади. Со²⁺ нинг оз кўплигига караб эритма кўк ёки яшил рангга киради. Со²⁺ нинг концентрацияси жуда кам бўлса, NH₄CNS ни курук туз холида олиш керак.
Бу реакцияни газета когози устида томчи методи билан ўтказиш жуда кулай. Бунда «безак берувчи» модда – лигнин бўлиб, унинг иштирокида кобальтнинг роданид комплекси катта тургунликга эга бўлади ва сувда парчаланмайди. Реакцияни ўтказиш учун дастлаб аммоний роданид хамда аммоний фторид эритмалари шимдирилиб, куритилган газета когозини ишлатиш маъкул. Бундай когозга текширилаётган эритмадан 1 томчи томизилса, кўк рангли дог пайдо бўлади. Агар эритмада Fe³⁺ катиони хам бўлса, у холда дастлаб кўнгир ранг хосил бўлади (Fe(CNS)₃ нинг хосил бўлиши), аммо у Fe³⁺ ионининг F^- иони билан богланиши туфайли аста – секин рангсизланиб йўколади, сўнгра [Co(CNS)₄]^2- комплексининг кўк ранги намоён бўлади.