Laboratoriya ishi № Mavzu: Keskichlarning asosiy turlari. Konstruktiv elementlari va geometrik parametrlari

Laboratoriya ishi № 1.

Mavzu: Keskichlarning asosiy turlari. Konstruktiv elementlari va geometrik parametrlari.

1. 
   Ishdan maqsad:
   
   1. 
      Tokarlik keskichlarining turlari, konstruktiv elementlari va geometrik parametrlarini, hamda o‘lchash usullarini o‘rganish.
      
   2. 
      Turli xildagi tokarlik keskichlarida Zagotovkalarga ishlov berish jarayonlarining eskiz sxemalarini tayyorlash ko‘nikmalar hosil qilish.
      

2. Kerakli kesuvchi va o‘lchov asboblari.
2.1. Kesuvchi asboblar:
Qattiq qotishma plastinkasi bilan ta’minlangan to‘g‘ri o‘tuvchi, burilgan yo‘nuvchi, tirgak o‘tuvchi, kesib ishlovchi, ariqcha ochuvchi, rezba ochuvchi, yo‘nib kengaytiruvchi, shakldor (prizmatik va diskli) tokarlik keskichlari.
2.2. O‘lchov asboblari:
a) Tokarlik keskichlarining tana qismi o‘lchovlarini o‘lchash uchun metall chizg‘ich, hamda shtangentsirkul.
B) Keskichlarning mavjud burchaklarini o‘lchash uchun universal hamda metrologik transpotir chizg‘ichli burchak o‘lchovchi asboblar.

1. 
   Ishni bajarish uchun kerakli bo‘lgan
   

ma’lumotlar va ko‘rsatmalar.
Tokarlik keskichlari ta’rifi. Metallarga ishlov beruvchi keskichlar eng takomillashgan kesuvchi tig‘li kesuvchi asboblar sarasiga kiradi. Ulardan tashqi va ichki yuzalarga turli shakllardagi ishlovlar berishda tokarlik yo‘nib kengaytiruvchi, randalovchi va urib ishlovchi va boshqa dastgohlarda foydalaniladi. Tokarlik keskichining ishchi qism geometrik parametrlari boshqa kesuvchi asboblar kabi materiallarga kesib ishlov berish jarayonlarini ta’minlashga xizmat qiluvchi keskichning barcha konstruktiv elementlari (kesish burchaklari, kesuvchi qirra shakli va o‘lchamlari, oldingi va ketingi yuzalar shakllari, kesuvchi qirralarning tutashish radiuslari va boshqalar) ni o‘zida jamlagan.
Detal yuzasidan material qatlamini olish uchun keskich ma’lum bir geometrik shaklda bo‘lishi kerak. Geometrik parametrlarni tanlashda kesuvchi asbobning xizmat vazifasi va ishlash sharoiti kabi shartlar qo‘yiladi.
Tokarlik ishlov berishda:
Bosh harakat – Zagotovkaning aylanishi;
Surish harakati – keskichning Zagotovka o‘qi bo‘ylab bo‘ylama va ko‘ndalang harakatlanishi.