Labaratoriya ishi № Mavzu: Frezaning geometrik parametrlarini o‘rganish

Labaratoriya ishi № 7.

Mavzu: Frezaning geometrik parametrlarini o‘rganish.

1. 
   Ishdan maqsad: Frezaning asosiy turlarini, konstruktiv elementlarini va geometrik parametrlarini o‘rganish.
   

2. Kerakli jihozlar va o‘lchov asboblari: 6N82 modelli gorizontal va 6N12P6 modelli vertikal frezerlash dastgohlari.
2.1. Kerakli asboblar: To‘g‘ri tishli, vintsimon tishli tsilindrik freza, uch tomonli disk freza, ilon izli disk freza, to‘g‘ri tishli disk freza, diskli arra freza, burchak va ikki boshli freza, torets freza, barmoq freza, T simon freza, shakldor freza, taroq freza.
2.2. O‘lchov asboblari: SHtangentsirkul SHTS1, konstruktorlik lineykasi, universal burchak o‘lchagich.
2.3. Ishlov beriladigan material: cho‘yan, po‘lat, bronza.
3. Ishni bajarish uchun kerakli bo‘lgan ma’lumotlar va ko‘rsatmalar.
Frezalashda kesuvchi asbob sifatida turli xil frezalardan foydalaniladi. Frezalar quyidagi ishlarni: tekisliklar frezalash, ariqcha va pazlar, shakldor yuzalar frezalash, rezbalar frezalash, tishli g‘ildiraklarning zagotovkalariga tishlar frezalash va boshqa ishlarni bajarishga imkon beradi.
Frezalar tashqi shakliga ko‘ra quyidagi guruhlarga bo‘linadi:
TSilindrik yoki o‘q frezalar. Bunday frezalarning tishlari tsilindrning sirtqi yuzasida joylashgan bo‘lib, ular to‘g‘ri va vintsimon tishli bo‘ladi va tekis yuzalarni frezalash uchun ishlatiladi (7.1. – rasm).

7.1-rasm. TSilindrik frezalar:
a – to‘g‘ri tishli; b – vintsimon tishli.
Bu frezani konstrktsiyasini ko‘rganimizda uning qirindi joylashuv ariqchasi ma’lum bir ω - burchagi ostida og‘ishga ega bo‘ladi. Bu frezani ishlash sharoitini yaxshilaydi. Umumiy holatlar uchun ω = 30° - 40° og‘ir ishlarni bajarishda ω = 45° tavsiya etiladi (7.2. – rasm).

7.2. – rasm. TSilindrik frezaning geometrik parametrlari.
Frezaning o‘lchamlari 8721 – 69 GOST bo‘yicha standartlashtirilgan bo‘lib D=40:100 mm da ishlab chiqariladi. Tishlari qattiq qotishma plastinkasidan tayyorlangan frezalar uchun esa D=62:125 mm da ishlab chiqariladi.