Лаборатория иш №1

5-tajriba. Gidroliz jarayoniga haroratning ta`siri.
a) Probirkaga natriy atsetat CH<sub>3</sub>COONa ning 0,5 n eritmasidan ozgina quying va undan shisha tayoqcha yordamida bir tomchi olib lakmusli qog`ozga tekkizdirib ko`ring. Olingan tuzining gidrolizlanish reaksiya tenglamasini yozing. Eritmani qaynaguncha qizdiring. Eritma rangi o`zgarishini kuzatib boring, eritma sovigach eritmaning rangi yo`qolishi sababini tushuntirib bering.
b) Probirkaga temir (III)- xlorid FeCl<sub>3</sub> eritmasidan quying va uning reaksiya muhitini lakmusli qog`oz bilan sinab ko`ring. Eritmani 2-3 minut davomida qaynating. Nima kuzatiladi va uning sababi nima? FeCl<sub>3</sub> ning asosli tuzlari Fe(OH)Cl<sub>2</sub> yoki Fe(OH)<sub>2</sub>Cl hosil qiladigan gidroliz tenglamasini yozing.
6-Tajriba. Eritma suyultirilganda gidroliz jarayonning kuchayishi.
Probirkaga vismut (III)-nitrat Bi(NO<sub>3</sub>)<sub>3</sub> eritmasidan 2-3 ml quying va uni distillangan suv bilan 3-4 barobar suyultiring. Asosli tuz Bi(OH)<sub>2</sub>NO<sub>3</sub>, ning cho`kmaga tushishini kuzating. Gidroliz tenglamasini yozing.
7-tajriba. To`la gidroliz.
Probirkaga 2-3 ml alyuminiy sulfat Al<sub>2</sub>(SO<sub>4</sub>)<sub>3</sub> eritmasidan quying va ustiga shuncha miqdorda soda Na<sub>2</sub>CO<sub>3</sub> erimasidan qo`shing. Reaksiya natijasida hosil bo`lgan alyuminiy karbonat - Al<sub>2</sub>(CO<sub>3</sub>)<sub>3</sub> gidrolizlanishi hisobiga uglerod (IV)-oksidi ajralib chiqishini va alyuminiy gidroksid Al (OH)<sub>3</sub> cho`kmasini hosil bo`lishini kuzating.
Olingan tuzlarni birgalikda gidrolizlanishining molekulyar va ionli tenglamalarini yozing.


LABORATORIYA ISHI №8
Oksidlanish-qaytarilish reaksiyalari. Galvanik elementlar va metallarning korroziyasi.
Ishning bajarilishi
1. Kerakli jihozlar: Probirkalar, elektroplitka (gaz garelkasi ham bo`lishi mumkin), azbestlangan to`r.
2. Kerakli reaktivlar: Sulfat kislota H₂SO₄ eritmasi, rux bo`lakchasi, mis sulfat eritmasi, yuzasi zangdan tozalangan temir plastinka, kontsentrlangan sulfat kislota H₂SO_4, mis sim, FeCl₃ eritmasi, kaliy yodid KJ eritmasi, kraxmal kleysteri, vodorod peroksid H₂O₂ eritmasi, yod J₂ kristali, natriy ishqori – NaOH eritmasi, ammoniy bixromat- (NH₄)₂Cr₂O₇ kristalli.