Laboratoriya №6

4. Laboratoriya ishini bajarish uchun topshiriq
O’qituvchi tomonidan berilgan NSda kirish vektorini nazorat qilish va o’zini tekshirish xususiyatlarining mavjudligiga ishonch hosil qilish talab etiladi. Buning uchun quyidagilarni bajarish lozim:
4.1. 3S1 kodining so’zlari uchun NS haqqoniylik jadvalini tuzish.
4.2. NSning soz holatida va 3S1 kodi uchun so’zlar kiritilganda, 4 dan 1 kodini 4 dan 2 kodiga o’zgartiradigan o’zgartirgichning NS haqqoniylik jadvalini tuzish.
4.3. 3S1 kodining so’zlaridan farq qiladigan kodli so’zlar uchun NS haqqoniylik jadvalini tuzish.
4.4. NS va translyatorning soz holatida 4 dan 1 kodini 4 dan 2 kodiga o’zgartiradigan o’zgartirgich uchun ham xuddi shunday amal bajariladi.
4.5. Turli (kontaktli) nosozliklar vujudga kelganda va 3S1 kodi uchun so’zlar kiritilganda, NS haqqoniylik jadvalini tuzish.
4.6. 4 dan 1 kodini 4 dan 2 kodiga o’zgartiradigan o’zgartirgichni ulashda ham xuddi shunday amal bajariladi.

2-qism
O’zini tekshiradigan testerlar (O’TT) sxemalarini o’rganish
5. Ishni bajarish tartibi
5.1 Nazorat sxemalari, kod translyatorlari va kod generatorlarining sintezi va ishlash prinsiplari to’g’risidagi nazariy ma’lumotlar bilan tanishish va o’rganish. Ularning mnemosxemalari stendning old panelida ko’rsatilgan.
5.2 Stendning barcha elementlarini normal holatga keltirish. Kalitlarning normal holati – o’rtacha, PK1 uzib-yoqqichning normal holati esa – nol daraja deb belgilangan.
5.3 Egiluvchan o’tkazuvchilar yordamida kodlar generatorini o’rganilayotgan NSga ulab, “«0»ga o’rnatish” tugmasini bosish.
5.4. 3S kodining har xil turdagi kodli so’zlarini NS kirishiga navbatma-navbat uzatib, shup va nazorat lampasi yordamida nazorat sxemalarining chiqishlarini kuzatish. Olingan natijalarni 1-jadvalga kiritish.
5.5. Egiluvchan o’tkazuvchilar yordamida o’rganilayotgan NSga 4 dan 1 kodini 4 dan 2 kodiga o’zgartiradigan o’zgartirgichni ulash. SHup va nazorat lampasidan foydalangan holda NS kirishiga 3S1 kodi so’zlarini uzatishda o’zgartirgichning chiqishlaridagi holatni aniqlash. Olingan natijalarni 2-jadvalga kiritish.
5.6. 4 dan 1 kodini 4 dan 2 kodiga o’zgartiradigan o’zgartirgichga (uning chiqishlariga) 4 dan 2 kodini 2 dan 1 kodiga o’zgartiradigan translyatorni ulash. SHup va nazorat lampasidan foydalangan holda yoki TS orqali nazorat lampasini ulab, o’rganilayotgan NS kirishlariga 3S kodi so’zlarini uzatishda sxemaning holatini kuzatish. Ushbu amal uchun jadval talab etilmaydi.
5.7. O’rganilayotgan NS kirishiga 3S kodi so’zlaridan farq qiladigan (xatolik) so’zlarni uzatib, 4.4, 4.5 va 4.6- punktlarni takrorlash. Kuzatuv natijalarini mos ravishda 3 va 4-jadvalga kiritish.
5.8. KL1 kaliti yordamida o’rganilayotgan NSning «a» nuqtasiga kalitni quyi holatga o’tkazish yo’li bilan «0» konstanta turidagi nosozlikni kiritish. So’ng 4.4, 4.5 va 4.6-punktlarni ketma-ket bajarish. Olingan natijalarni mos ravishda 3 va 4-jadvalga kiritish.
5.9. KL3-KL10 kalitlari yordamida o’rganilayotgan NSning b, v, g va d nuqtalariga «konstanta «0» va «konstanta «1» turidagi nosozliklarni ketma-ket kiritib hamda 4.4, 4.5 va 4.6-punktlarni takrorlab, sxema holatini kuzatish. Olingan natijalarni 3-jadval (4.4-punkt uchun) va 4-jadval (4.5-punkt uchun)ga kiritish.
Izoh. 1/3-NS1 va NS2 ni o’rganishda, translyatorlarni sxema chiqishlariga ulash talab etilmaydi, ya’ni 4.5 va 4.6-punktlar qoldiriladi. 1/3-KS3 testerini o’rganishda translyatorni “O’rnatish” tugmasi yordamida dastlabki holatga (A) o’rnatish zarur, bunda bir vaqtning o’zida PK1 uzib-yoqqichi orqali NSga quvvat uzatiladi (“O’rnatish” tugmasini bosib turgan holda). 1/3-KS4 testerini o’rganishda har bir 3S kodli so’zlar kombinatsiyasini uzatishdan oldin “O’rnatish” tugmasini bosish lozim.