«Labguldoshlar Lamiaceae L. oilasi ayrim dorivor vakillarining bioekologiyasi»

Ilmiy tadqiqot ishining ob`ekti. Gulli o‘simliklarning zamonaviy APG IV (2016) taksonomik tizimi bo‘yicha Farg‘ona vodiysining florasida Lamiaceae oilasining istiqbolli dorivor o`simlik turlaridir.
Ilmiy tadqiqot ishining predmeti. Farg‘ona vodiysi florasida Lamiaceae oilasi dorivor o`simliklari, ularning tur tarkibi, sistematik tahlili, bioekologik xususiyatlari, dorivor turlarining geografik tarqalishi, bioekologik xususiyatlari va xalq tabobatida foydalanilishi, madaniylashtirilgan holda ularning ontogenezini o`rganish.
Ilmiy tadqiqot ishining ilmiy jihatdan yangiligi. O`zbekiston florasidagi Lamiaceae oilasi dorivor o`simliklarining 69 tur, 26 turkumdan iborat bo‘lgan zamonaviy konspekti tuzildi;
dala tadqiqotlari va gerbariy namunalarini o‘rganish orqali Lamiaceae oilasining istiqbolli dorivor o`simliklari taksonomik tarkibi va alohida turlarning tarqalishi haqidagi ma’lumotlar aniqlandi va to‘ldirildi;
O`zbekiston florasidagi Lamiaceae oilasining istiqbolli dorivor o`simliklari hayotiy shaklining turli guruhchalari o‘rtasidagi nisbatlari o‘rganildi;
Lamiaceae oilasining istiqbolli dorivor o`simliklarining endemizm ko‘rsatkichi aniqlandi, ular Lamiaceae oilasining 29% dan ko‘prog‘ini tashkil qilishi aniqlandi;
Ilmiy tadqiqot ishi quyidagi metodlar asosida amalga oshirildi:
Klassik floristik, solishtirma-morfologik, floristikaning solishtirma-geografik usullari, O`zbekiston florasi, O`rta Osiyo o`simliklari aniqlagichi, O‘zbekiston Respublikasi «Qizil kitobi»ni tahlil qilish va kuzatishlarimizga asoslangan.
Ilmiy tadqiqot ishining amaliy ahamiyati. Farg‘ona vodiysi Lamiaceae oilasining istiqbolli dorivor o`simliklarining zamonaviy konspekti va endem turlar ro‘yxati tuzildi.
Ilmiy tadqiqot ishi natijalarining amaliy ahamiyati shundan iboratki, olingan natijalar Lamiaceae oilasining istiqbolli dorivor o‘simliklar dunyosidan oqilona foydalanish va uni saqlash tizimini ishlab chiqish uchun asos sifatida xizmat qiladi. Shu bilan bir qatorda, u kamyob va yo‘qolib borayotgan dorivor o‘simlik turlarining davlat kadastrini tuzish uchun, yovvoyi dorivor o`simliklarni madaniylashtirishga doir o‘tkaziladigan izlanishlar uchun ilmiy-amaliy ahamiyatga ega.