Lab ishlanma. An kim-12

1-tajriba. Mis rudasini flotatsiya usuli bilan boyitish 
Ishning bajarilish tartibi
Kolbaning uchdan bir qismiga suv to‘ldiring va 
ustiga bir necha tomchi moy tomizing. Kollektsiyalardan mis kolchedanining 
kichikroq bo‘lagini olib, hovonchada yaxshilab-maydalang, maydalangan mis 
kolchedanini qum (bekorchi jins) bilan aralashtiring. Bu aralashmani suv va 
sochga surtiladigan moy solingan kolbaga ag`darib, ancha ko‘pik hosil 
bo‘lguncha qattiq chayqating. Bunda mis kolchedanining yaltiroq zarrachalari 
ko‘pikka yopishib, suyuqlik betiga qalqib chiqadi, qum zarrachalari esa kolba 
tubiga cho‘kadi. Ruda bekorchi jinsdan ana shunday tozalanadi. 

---

Kuchkarov M.A. -99- 
Anorganik kimyo 
Vazifa. 
Flotatsiya usuli va uning nima maqsadda qo‘llanilishini izohlang.
 
Xulosalarni daftaringizga yozing. 
2-tajriba. Mis (II)- oksidni ko‘mir bilan qizdirib mis olish 
Ishning bajarilish tartibi.
2 g mis (II)-oksid va 0,5 g maydalangan pista 
ko‘mirdan iborat aralashma tayyorlang. Aralashmani probirkaga solib, probirka 
og`zini gaz o‘tkazgich nay o‘rnatilgan probka bilan bekiting. Probirkani spirt 
lampasi yoki gaz gorelkasi alangasida qattiq qizdiring. 
Gaz o‘tkazgich nayning uchini ohakli suvga botirib, karbonat angidrid hosil 
bo‘lganligiga ishonch hosil qilish mumkin. Bunda eritma loyqalanadi. 
Probirkani havoda soviting, shundan keyin ichidagi moddani oq qog`oz 
varag`iga to‘king. Ko‘mirning ortib qolganini ehtiyotlik bilan puflab o‘chiring. 
Oq kog`ozda mis zarrachalari qo-ladi. 
Ko‘p miqdorda mis olish uchun tajribada diametri 1,5-2 sm va uzunligi 
30-40 sm bo‘lgan temir naydan foydalaniladi. Buning uchun mis (II)-oksid 
bilan ko‘mir aralashmasi (2 og`irlik qism misga 0,5 og`irlik qism ko‘mir olinadi) 
nayning o‘rtasiga solinadi. Nay kavsharlash lampasida yoki nayli elektr pechda 
qizdiriladi.