Kvant nazariyasi uchun 3 daqiqadan

Ikkinchi jahon urushi boshlanishi arafasida Shryodinger alg‘ov-dalg‘ov kontinental 
Yevropani tark etib, neytral va tinch Irlandiyaga yo‘l oldi. Shryodingerning ona 
tomondan momosi ingliz ayoli bo‘lgan. Uning kuchli ta’siri va tarbiyasi tufayli 
Shryodinger ingliz tilida ham xuddi nemis tilidagi singari mukammal gaplasha olardi. 
Aytish joizki, olim Irlandiyaga o‘z-o‘zidan, boshpana izlab borgan emas. Uni shaxsan 
Irlandiya bosh vaziri Imon de Valera taklif qilgan bo‘lib, Dublinda olimga yangi 
tashkil qilingan Dublin Oliy tadqiqotlar Institutining nazariy fizika Bo‘limiga 
rahbarlik qilish vazifasi taklif etilgan. Shryodinger ushbu lavozimda 17 yil faoliyat 
ko‘rsatdi. Keyinchalik olim o‘z esdaliklarida o‘zining Dublinda o‘tkazgan yillarini 
hayotidagi eng baxtli yillar sifatida xotirlagan edi. Olimning ushbu davrga oid ijod 
namunalari ichida eng mashhuri «Hayot o‘zi nima?» deb nomlanadigan asari bo‘lib, 
unda Shryodinger kvant nazariyasi hamda, fundamental fizikaning boshqa 
konsepsiyalarini tirik organizmlar uchun tadbiq etish masalalarini bayon qiladi. 
Oradan bir necha yillar o‘tib, olimlar Frensis Krik va Jeyms Uotson tomonidan DNK 
strukturasi kashf etilgach, ularning har ikkalasi ushbu olamshumul kashfiyotni 
amalga oshirishda Shryodingerning yuqorida nomi zikr etilgan asarining ta’siri 
mislsiz bo‘lganligini e’tirof etishgan.
Shryodinger boshqa fizik olimlarga qaraganda biroz g‘alati fe’l-atvori va o‘zgacha 
hayot tarzi bilan ajralib turgan. Xususan u she’rlar yozar, falsafaga va sharq 
afsonalariga qattiq qiziqardi. Shryodingerning tabiatiga xos eng yomon salbiy jihat 
esa, uning xotinboz bo‘lgani deyish mumkin. Uning xotini Enni bilan 40 yil turmush 
qurganiga qaramasdan, boshqa jazmanlaridan ham 3 ta benikoh tug‘ilgan bolalari