Kuvnakov a. E bizness tizimlari taxlili va loyihalash

PERT/CPM diagrammasi nima? 
PERT  –  Program  Evaluation  Review  Technique  ya‘ni  dasturiy  baholashni 
sharxlash  texnikasi  bo‘lib,  ushbu  usul  U.S.  Navy  ya‘ni  Amerika  harbiy  dengiz 
kuchlari  tomonidan  juda  murakkab  bo‘lgan  loyihalarni  boshqarish,  masalan 
yadroviy  suvosti  kemalarini  qurish  kabi  ishlarni  bajarishda  qo‘llanilgan.  Ushbu 
usul  yaratilgan  vaqtlarga  yaqinroq  esa  yana  bir  CPM  –  Critical  Path  Method  – 
tahlikali  yo‘l  metodi  yaratilgan  bo‘lib,  u  orqali  sanoat  sohasida  loyihalarni 
boshqarish imkoni mavjud bo‘lgan. Ushbu ikki metod orasidagi farqlar bora-bora 
yo‘qolib  brogan  va  endilikda  ushbu  metodlar  birgalikda  PERT/CPM  deb 
nomlanadi.  
 
CPM  –  1950-yilda  Amerika  harbiy  dengiz  kuchlari  tomonidan  ishlab 
chiqilgan.  Asl  holda  ushbu  metod  yoki  usul  faqatgina  terminal  elementlari 
orasidagi mantiqiy bog‘liqliklarga asoslangan. CPM asosan qurilish sanoati uchun 
mo‘ljallangan.  CPM  –  Critical  Path  Analysis  ya‘ni  tahlikali  yo‘l  tahlili  deb  ham 
yuritiladi  va  u  orqali  matematikaga  asoslangan  algoritm  bo‘yicha  loyiha 
vazifalarini  rejalashtirish  imkoni  mavjuddir.  Ushbu  metod  loyiha  boshqaruvida 
juda  muhim  va  samarali  hisoblanadi.  Umumiy  holda  loyihaning  barcha  turlari: 
qurilish,  dasturiy  ishlanmalar,  tadqiqiy  loyihalar,  mahsulot  ishlab  chiqarish, 
muhandislik va boshqalarda ishlatiladi. 
PERT bu pastdan yuqoriga (bottom-up) metodi hisoblanadi chunki u alohida 
vazifalar to‘plamining kata va murakkab loyihani tahlil qilishda qo‘llaniladi. PERT 

---

diagrammasini  yaratishdan  avval  loyihaning  barcha  bajarilishi  kerak  bo‘lgan 
vazifalarini  aniqlash  va  har  bir  vazifaning  bajarilishiga  qancha  miqdorda  vaqt 
ketishini baholash kerak bo‘ladi. Keyin esa ushbu vazifalarning qanday  mantiqiy 
tartib asosida bajarilishi kerakligini aniqlash kerak. Masalan, ba‘zi vazifalar boshqa 
bir vazifa bajarilmasidan turib o‘z ishini boshlay olmaydi. Boshqa bir holatda esa 
ba‘zi vazifalar boshqalari bilan bir qatorda bajarilishi mumkin bo‘ladi.  
Agarda vazifalar, ularning muddatlari va ular bajarilish tartiblari aniq bo‘lsa, 
unda loyihaga umumiy ketadigan vaqtni hisoblash mumkin bo‘ladi.  
 
 
2-rasm. Reliable Construction Co. loyihasini Microsoft Project dasturidagi PERT 
chart orqali ko‘rinishi.