Kurs loyihasining tarkibi

Kurs loyihasining mazmuni va hajmi

Mashina detallari kursini o‘rganishdan maqsad talabalar o‘rganib olgan umumtexnika fanlarini amaliyotga tadbiq etish detallar va yuritmalarni talab etilgan sharoitda ishlashga mo‘ljallangan qilib hisoblash, loyihalashtirish, kerak bo‘lgan konstruksion materiallarni tanlash, hamda shu detallarning o‘lchamlarini va tayyorlash darajasini belgilashdan iborat.

Kurs loyihasining hajmi va mazmuni «Mashina detallari» fanining dasturida yoritilgan bo‘ladi.

Yuqorida ko‘rsatib o‘tilgan yo‘nalishlar bo‘yicha ta’lim olayotgan talabalar turli maqsadlarda ishlatiladigan yuritmalarni loyihalaydilar. Loyihaning chizma qismi 24 formatga (594 x 841 mm) chizilgan uch varaqdan iborat bo‘lib, bunda varaqlarning birida yuritmaning umumiy ko‘rinishi, ikkinchi varaqda reduktorning yig‘ish chizmalari va uchinchi varaqda reduktor detallarining ish chizmalari (korpus, qopqoq, val, tishli g‘ildirak va hokazolar) chiziladi.

Hisob tushuntirish xati titul varag‘idan boshlanadi.

Hisob tushuntirish xatining boshlanishida yuritmaning sxemasi, hisoblash uchun kattaliklar ko‘rsatilgan bo‘lishi kerak. Bundan tashqari yuritmaning tuzilish va loyihalanidagan qismlarining nomlari ko‘rsatiladi.

Undan keyin hisob-tushuntirish xatida quyidagi masalalar yoritilgan bo‘ladi:

1) elektrodvigatelning talab qilingan quvvatini hisoblash va uni tanlash;

2) tanlangan elektr dvigatelga ko‘ra yuritmani foydali ish koeffisientini aniqlash;

3) reduktordagi tishli g‘ildiraklarning o‘lchamlarini hisoblash;

4) reduktor valining o‘lchamlarini xomaki hisoblash;

5) reduktor korpusining o‘lchamlarini hisoblash;

6) yuritmadagi ochiqda turgan uzatma o‘lchamlarini hisoblash (zarjirli, tasmali, tishli);

7) dastlabki hisoblar tugagach, reduktorning boshlang‘ich loyihalash ishlarini bajarish;

8) xomaki loyihalangan reduktor uchun podshipniklar tanlab olish va ularni mustahkamlikka hisoblash;

9) loyihalashning ikkinchi bosqichida xomaki yig‘ilgan chizmalar reduktor korpusiga joylashtirilib chiziladi.

10) shponkali birikmalarning mustahkamligini hisoblab tekshirish;.

11) vallardagi xavfli kesimlarni hisoblash va tekshirish (aylanishda, buralishda, momentlarda);

12) yuritmaning ish rejamiga ko‘ra yog‘ tanlash va uning sathini belgilash;

13) yuritmaning spesifikatsiyasini tuzish.