Курс лойиҳасини бажариш бўйича услубий кўрсатмалар

2.2. Ташқи муҳитнинг ҳисоб-китоб параметрлари.
Бинонинг иситиш ва иссиқлик ҳимояси тизимларига тушадиган ҳисоб-китоб юкламаларининг кўрсаткичлари йилнинг совуқ даврида ташқи иқлим параметрларининг меъёрланадиган даражаларининг талабларига жавоб бера олиши лозим, йилнинг совуқ даври ҚМҚ 2.04.05-97^* га мувофиқ ташқи ҳавонинг 10 ва ундан паст бўлган ўртача сутказик ҳароратига эга бўлган вақт кесмаси сифатида аниқланади. Аксарият бинолар учун иситиш даври тушунчаси йилнинг совуқ даври тушунчаси билан мос тушади ва фақатгина болалар даволаш-профилактика муаасасалари ва қариялар уй-интернатлари учун ташқи ҳавонинг ҳарорати 12 дан ошиқ бўлмаган давр бўлиб ҳисобланади.
Бинонинг иссиқлик-техник кўрсаткичлари ва иситиш тизимига тушадиган иссиқлик юкламасини ҳисоблашда ташқи муҳитнинг ҳисобга олинадиган параметрлари қуйидагилар ҳисобланади: ташқи ҳавонинг ҳарорати, шамолнинг тезлиги, қурилиш районидаги намлик зонаси, қуёш радиациясининг шиддати. Иқлим параметрларининг баъзи қийматлари энг совуқ ҳисоблаш даврини, бошқалари эса – иситиш даври давомидаги ўртача даражаларни тавсифлайди.
Совуқ даврнинг иқлим параметрларининг қийматлари 4-жадвал бўйича қабул қилинади.
ҚМҚ 2.01.01-94. Ташқи тўсиқларнинг иссиқлик ҳимояси хусусиятларини танлаш ва иситиш тизимининг қувватини аниқлаш учун йилнинг совуқ даврининг энг аҳамиятга молик параметри ташқи ҳавонинг ҳарорати бўлиб ҳисобланади. Тўсиқлар ва хоналар иссиқлик инерциясига эга бўлганлиги, бошқача қилиб айтганда, ташқи ҳавонинг ўзгарган ҳароратигача совуш ёки исиш учун вақтни талаб қилиши сабабли, ҳисоб-китоб ҳарорати сифатида энг совуқ беш кунлик – йил давомида энг паст ҳароратга эга бўлган кетма-кет беш куннинг ўртача ҳарорати қабул қилинади.


2. 3. Хоналар микроиқлимининг ҳисоб-китоб параметрлари.
Хоналарнинг микроиқлимини тавсифлайдиган параметрларга авваламбор t_ички ҳарорат, v_ички ҳаракат тезлиги ва φ_ички ҳавонинг нисбий намлиги киради.
Хоналарнинг типига боғлиқ равишда (яшаш, жамоатчилик ва ишлаб чиқариш биноларининг хоналари) микроиқлимнинг оптимал ва йўл қўйиладиган параметрлари белгиланган. Яшаш биноларининг микроиқлим параметрлари 1-жадвалда келтирилган (ШНК 2.08.01-05, 8-жадвал).
Турли хоналар учун йилнинг совуқ даврида ҳавонинг ҳисоб-китоб ҳарорати ва ҳаво алмашинишининг карралиги ШНК 2.08.01-05, 9-жадвалга мувофиқ қабул қилиниши лозим.
Жамоатчилик биноларининг хоналари учун микроиқлимнинг оптимал ва йўл қўйиладиган параметрлари ШНК 2.08.02-09 25-жадвалда келтирилган.

2.1 жадвал.