Курс лойиҳасини бажариш бўйича услубий кўрсатмалар

2. НАЗАРИЙ ҚИСМ


Бинолар ва иншоотлар қурилаётганда ва эксплуатация қилинаётганда энергия тежамкорлиги масалаларини ечиш учун қуйидагилар зарур:
1. Асосий эътиборни биринчи навбатда иситиш ва вентиляцияга энергия сарфларини камайтириш бўйича тадбирларни ишлаб чиқиш ва амалга оширишга йўналтириш.
2. Хукумат даражасида иссиқлик изоляция ва ёруғлик ўтказувчи конструкциялар тизимларини (юқори қаватли уй қурилишларини инобатга олиб) қўллаганда энергия тежамкор масалаларининг ечими бўйича аниқ тадбирларни кўрсатиш билан бундай конструкцияларни ишончлилик, чидамлилик ва хавфсизлик талабларига жавоб бера оладиган лойиҳалаш, монтаж ва эксплуатация қилишда меъёрий – техник хужжатларни (қоидалар тўпламлари, техник регламентлар) ишлаб чиқиш ва тасдиқлаш.
3. Синалаётган махсулотнинг асосий техник тавсифларини минимал хатоликлар билан янада ишончли кўрсаткичларини олиш мақсадида девор ва ёруғлик ўтказувчи конструкцияларни аккредитцияланган лабораторияларда синаш (синовлардан ўтказишнинг) тасдиқланган услубларини такомиллаштириш.
4. Бино ва иншоотларда ўлчов хатолигини анча камайтирадиган (ҳозирги вақтда 15% ни ташкил этади) тепловизион текширувнинг тасдиқланган методикасини такомиллаштириш.
5. Фасад конструкцияларни лойиҳалашда иссиқлик йўқотишларни бартараф этувчи (анчагина камайтирувчи) уланиш узелларини ишлаб чиқиш.
6. Иссиқлик йўқотишларни камайтиришга таъсир этувчи муҳим омил қурилиш ишларининг юқори сифати бўлиб ҳисобланади.
7. Қурилиш материаллари, конструкцияларнинг сифати ва технологияларнинг назоратини кучайтириш мақсадида уларни ишлатиш босқичида шартномаларда етказиб берилаётган материаллар ва конструкцияларнинг намуналарини кейинчалик уларни олинган кўрсаткичларни лойиҳа талаблари билан таққослаш учун мустақил лабораторияга юбориш мақсадида қурилиш объектларда танлаб олиш бўйича тадбирлар назарда тутилиши лозим.
8. Фасадни, шунингдек ёруғлик ўтказувчи конструкцияларни, монтаж қилишда технология ва ишларнинг бажарилиши кетма кетлигини бузиш ҳолатларини истисно қилиш.