Kurs ishining obyekti: Afrikaning turistik mamlakatlarini o’rganish bilan bog’liq barcha jarayonlar. Kurs ishining predmeti

ANATATSIYA
Kurs ishining maqsadi: Afrikaning turistik mamlakatlarini o’rganish va kamchiliklarga mantiqiy yechim topish, amaliy tavsiyalar ishlab chiqish va xulosalar orqali mamlakatni rivojlantirishdan iborat.
Kurs ishining obyekti: Afrikaning turistik mamlakatlarini o’rganish bilan bog’liq barcha jarayonlar.
Kurs ishining predmeti: Afrikaning turistik shaharlari va mamlakatlarini o’rganish va uni mamlakat iqtisodiyotiga ta’sir etuvchi mexanizmlarini takomillashtirish.
Kurs ishining vazifalari:
-Afrikaning geografik o’rnini o’rganish;
- Afrikaning resurslari o’rganish va uni mamlakat iqtisodiyotiga ta’sirini o’rganish;
- Afrika mintaqasining turizm geografiyasi o’rganish;
- Afrika mintaqasining turistik mamlakatlarini o’rganib chiqish;
- Afrikaning asosiy sayyohlik yo’nalishlarini o’rganish;
-Afrika turizmining o’ziga xosligini tahlil qilish;
-Afrika turizmini rivojlangan Yevropa bilan ta’sirini o’rganish;
Kurs ishining tuzilishi va hajmi. Kurs ishi Kirish qismi, 2 bob, xulosa va takliflar, foydalanilgan adabiyotlar ro’yxati hamda ilovalardan iborat.


MUNDARIJA:
Kirish…………………………………………………………………………….3
I bob. Afrika mintaqasida turistlik tizimi
1.1. Afrika mintaqasi turizmi geografiyasi…………………………………………4
1.2. Janubiy Afrika respublikasi turizm iqtisodiyoti……………………………...10
1.3. Afrika mintaqasining turistik faoliyati………………………………………18
II bob. Afrika mintaqasining turizmi
2.1. Afrika mintaqasining turistik mamlakatlari…………………………………..26
2.3. Afrikaning asosiy sayyohlik yo’nalishlari……………………………………31
Xulosa…………………………………………………………………………….40
Foydalanilgan adabiyotlar………………...…………………………………….42



KIRISH
Turizm o‘zining ko‘p qirrali tarkibi bilan jamiyat hayotining barcha sohalariga faol ta’sir o‘tkazib kelmoqda. U iqtisodiyotning ko‘pgina jabhalarini rivojlantirishga imkon tug‘diradi. Jumladan, transport tarmoqlari, aloqa, yo‘l qurilishi, mehmonxonalar, umumiy ovqatlanish korxonalari, kammunal xo‘jaligi, maishiy xizmat ko‘rsatish, servis sohasi, savdo tarmoqlaridan iborat. Turizmni rivojlantirish bir vaqtning o‘zida o‘ziga xos dam olish, hordiq chiqarish, ko‘ngil ochar maskanlar industriyasini tashkil etib, o‘z o‘rnida sayyohlarga sifatli xizmat ko‘rsatish bilan bog‘liq bir qator sohalarni qamrab olgandir. Turizm o‘zida jahon iqtisodiyotining murakkab va majmuaviy sohalarini mujassam etganki, bu butun jahon xo‘jaligiga sezilarli ta’sir o‘tkazadi. Alohida mamlakatlar xo‘jaligiga ham, hududlarga ham u birday tegishli. Ayrim mamlakatlarda xalqaro turizm valyuta tushumlarining yagona manbai hisoblanadi.
Turizm bugungi zamon iqtisodiyotida katta o`rin tutadi, qolaversa, kun sayin takomillashib, yangilanib bormoqda. Hozirga kelib inson o’zining qiziqishi sohalarini ko’rib ulgurish, qoniqish, o’rganish, tanlash xususiyatlari va imkoniyat darajalaridan to’g’ri foydalanish uchun ishlab chiqarish sohalarini, tabiiy biologik resurslarni, insonlarning yashash tarzlarini alohida-alohida turizm sohasiga aylantirdi. Hozirgi Rossiyalik mutaxassislarning yozishlaricha jahonda turizmning asosiy turlari 20-22 yo’nalishdan iborat. Ishlab chiqarish sohalarining yoki insonlar guruhining mo’jizakor, mukammal va hayratomuz ko’rinishga ega bo’lgan. Mahsulotlari, inshootlari insonlar oqimini o’ziga jalb qilishi turizm sohasini keltirib chiqardi, sohadagi turlarning ko’payib borayotganligi ham ana shu omillarga bog’liq.
Shunday turizm sohalaridan Afrika materigi ham chetda qolayotgani yo’q. Afrikaning ham o’ziga xos turizm sohalari, rivojlangan va rivojlanayotgan davlarlari mavjud. Endi rivojlanayotgan va kam rivojlangan sohalariga amaliy yordam berish uchun nazariy bilimlarni takomillashtirish talab etiladi. Dunyo davlatlari amaliyotida sinalgan tajribadan kelib chiqib, uning rivojlanish tendensiyalari o’rganiladi. Yuksak davlatlar tajribasidan unumli foydalaniladi.