Kurs ishini bajarish

1. Kurs ishini maqsad va vazifalari
Kurs ishining maqsadi-talabani nazariy va amaliy tayyorgarligini aniqlash, uning fikrlash qobiliyatini va olingan bilimlarining chuqurliligini va sifatini belgilash hisoblanadi.
Kurs ishining maqsadidan kelib chiqadigan asosiy vazifalar quyidagilardan
iborat:
- kurs ishi mavzusi bo’yicha mavjud pedagogik mahorat asoslari va pedagogik mahorat muammolar moxiyatini nazariy va amaliy asoslash va mazmunli yoritilishi;
- pedagogik mahorat qonun-qoidalarini, ta’lim munosabatlari va jarayonlari mazmunini yanada teran va chuqur mantiqiy mushoxada qilishi;
- milliy istiqlol g’oyasi va mafkuraning asosiy qoidalari xamda ta’lim-tarbiyani to’g’ri
shakllantirish asosida xozirgi zamon rivojlangan malakali o’qitishni shakllantirish va rivojlantirishning dolzarb muammolarini singdirish;
- ta’lim va tarbiyaviy munosabatlar to’g’risida amaliy ko’nikmalar hosil qilishi;
- Prezident Shavkat Mirziyoyev asarlarini, Respublika Oliy Majlisi tomonidan qabul qilingan ta’lim-tarbiyaga tegishli qonunlarni va Vazirlar Maxkamasi chiqargan me’yoriy xujjatlarni ishda o’zlashtirishi;
- internet ma’lumotlari, hisobotlar va xujjatlarni tahlil qilish;
- ishlab chiqarish va xizma ko’rsatish xamda ta’lim samaradorligini oshirishga qaratilgan yo’l-yo’riq, xulosalar va ko’rsatmalarni ishlab chiqish.
- nazariy va amaliy sohalari va matematika bo’yicha ta’limida o’qitishning metodik jihatlarini optimallashtirishning ilmiy yo’nalishlarini tahlil qilish.
Kurs ishini bajarish jarayoni o’quv jarayonning ajralmas qismi bo’lgani uchun to’g’ri tashkil etish, yoritilayotgan mavzuning sifatli bayon etilishiga ta’sir ko’rsatadi.
Shuning uchun kurs ishini bajarish davomida talaba o’z mehnatini quyidagi bosqichlar bo’yicha to’g’ri taqsimlashi katta axamiyatga ega:
- kurs ishi mavzusini tanlash;
- axborot uslubiy ta’minoti (adabiyotlar, internet) ma’lumotlarini yig’ish va ularni o’rganish;
- kurs ishi mavzusi rejasini tuzish;
- mavzuga oid turli ma’lumotlar to’plash va qayta ishlash;
- kurs ishi matnini yozish;
- kurs ishini rasmiylashtirish;
- kurs ishini himoyasi;
Kurs ishini bajarishda talaba o’z ustida ishlashi bilan bir qatorda kurs ishi raxbarlari bilan maslaxatlashishi va tegishli ko’rsatmalar asosida faoliyat ko’rsatishi zarur hisoblanadi.