Kurs ishini bajarish

O’ZBEKISTON RESPUBLIKASI
OLIY VA O’RTA MAXSUS TA’LIM VAZILIGI

QO’QON DAVLAT PEDAGOGIKA INSTITUTI

“FIZIKA-MATEMATIKA” FAKULTETI
MATEMATIKA KAFEDRASI
KURS ISHINI
BAJARISH

bo’yicha uslubiy ko’rsatma

QO’QON - 2021

Kurs ishlarini bajarish bo’yicha uslubiy ko’rsatmasi o’quv, ishchi o’quv reja va o’quv dasturiga muvofiq ishlab chiqildi.
Tuzuvchilar:
PhD D.D.Aroyev – matematika kafedrasi mudiri.
M.Asqaraliyeva-matematika kafedrasi o’qituvchisi.
Taqrizchi:
f.-m.f.n.U.Akbarov- matematika kafedrasi dotsenti.
Kurs ishlarini bajarish bo’yicha uslubiy ko’rsatmasi “Matematika” kafedrasining 2021 yil “28” 08 dagi “1” - son yig’ilishida muhokamadan o’tgan va fakultet kengashida muhokama qilish uchun tavsiya etilgan.
Kafedra mudiri: __________ PhD D.D.Aroyev
Kurs ishlarini bajarish bo’yicha uslubiy ko’rsatmasi “Fizika -matematika” fakultet kengashida muhokama etilgan va foydalanishga tavsiya qilingan (2021- yil 30.08 dagi 1-sonli bayonnoma).
Fakultet dekani, kengashi raisi: __________ t.f.n.dots. H.I.Xonboboyev

KIRISH
Ta’lim - tarbiya jarayonini har tomonlama zamonaviy talablar asosida tashkil etish va rivojlantirishdagi omillardan biri sifatida ta’lim-tarbiya jarayonini boshqarishni yuqori asosda tashkil etish va boshqarishdan iboratdir. Shu boisdan ta’lim tarbiya jarayonida pedagogik jarayonni boshqarishning nazariy asoslari va uning mexanizmlarini shakllantirishda “Kurs ishi mavzulari va uni bajarish bo’yicha” uslubiy ko’rsatmasi “Ta’lim to’g’risida”gi qonun, “Kadrlar tayyorlash milliy dasturi” hamda davlat ta’lim standartlari bo’yicha bakalavr darajasidagi malakali iqtisodchi-pedagog mutaxassislar tayyorlash talablaridan kelib chiqib tuzilgan.O’quv jarayonining uzluksiz jarayonlaridan biri-bu talabalarda mustaqil ishlash va nazariy bilimlarni puxta egallashga qaratilgan kurs ishini bajarish hisoblanadi.

Kurs ishini bajarish jarayonida talabalar olgan bilimlarini mustaxkamlash bilan bir qatorda pedagogik maxorat asoslarini, ta’lim munosabatlarini, ijtimoiy-pedagogik jarayonlarni, pedagogik ta’lim-tarbiya masalalarni, jamiyatdagi ta’lim jarayoni islohotlarni, ta’lim-tarbiya jarayonlarida matematika faniga bo’lgan qiziqishlarini shakllantirish asoslarini hamda pedagogik maxoratning nazariy asoslari to’g’risida xulosalar chiqarish, pedagogik maxoratni shakllantirishning joriy muammolarini mo’ljalga olish uchun zarur bo’lgan ma’lumot (axborot)lar to’plash va ulardan foydalanish, ilmiy faoliyatini tashkil qilish, rivojlantirish ko’nikmasiga ega bo’lish, umumpedagogik ixtisoslik yo’nalishidagi fanlar bo’yicha bilimlarini kengaytiradilar, ixtisoslik bo’yicha adabiyotlarni chuqur o’rganadilar va o’zlarida ilmiy-tadqiqot ishlarini mustaqil bajarish qobiliyatlarini rivojlantiradilar.
Ushbu uslubiy qo’llanma “Matematik analiz” fani bo’yicha yangi namunaviy o’quv dasturi va o’quv rejasi asosida tuzilgan bo’lib, unda Matematika ta’limi yo’nalishida ta’lim olayotgan talabalarning kurs ishini bajarishi davomida amal qilishi lozim bo’lgan umumiy tartib-qoidalar, me’yorlar, tegishli ko’rsatma va maslaxatlar berilgan. Uslubiy ko’rsatmani ishlab chiqishda mualliflar talabalarning nazariy bilimlarini amaliy jihatdan mustaxkamlash, mustaqil fikrlash qobiliyatini shakllantirish va rivojlantirishni asosiy maqsad qilib qo’ygan.
“Matematik analiz” fanidan kurs ishlarini bajarish bo’yicha ko’rsatmada berilgan talablar kurs ishini hajmi, bo’limlari, mavzuning nazariy axamiyatini yoritishdagi asoslari ko’rsatilgan bo’lib, mavzuning nazariy asoslarini yoritishdagi pedagogik talablarni o’z ichiga oladi.