Kurs ishi yozish bo’yicha tavsiyalar

KURS ISHINI YOZISH VA UNI HIMOYA QILISHGA TAYYORLASH TARTIBI.

Asosiy vazifalar yechimini to’g‘ri tanlashda rahbar talabaga qo’yilgan vazifalarni bajarishning yagona va to’g‘ri yo’lini ko’rsatishi kerak. Kurs ishini bajarishda talaba quyidagilarni bajarishi kerak:

• 
  ishning nomlanishi, bo’limlari va paragraflarining kurs ishi rejasi va mazmuniga mos kelishini ta‘minlashi;
  
• 
  ishning reja bo’yicha ketma-ketligini, bo’limlar va paragraflar orasida mantiqiy bog‘liqlik bo’lishini ta‘minlanishi;
  
• 
  matnning aniq, ravshan va adabiy tilda savodli yoritilishi;
  
• 
  kurs ishi matnini grafik, diagramma, jadval va chizmalar bilan aks ettirish;
  
• 
  o’rnatilgan tartibga mos ravishda ishni to’laqonli bajarish.
  
• 
  Kurs ishida ko’plab ko’chirmalar keltirishdan saqlanish, so’zni qisqartirishga yo’l qo’ymaslik lozim.
  

Ish rahbariga taqdim etilishidan oldin, talaba uni sinchiklab ko’zdan o’tkazishi kerak. Rahbar tomonidan tekshirish tugagandan keyin va tegishli qo‘llanma berilgandan keyin ish talaba tomonidan pdf formatga o’tkaziladi. (Kurs ishining oxirgi varianti tekshirilgach, rahbar unga imzo qo’yish orqali uni himoyaga tavsiya etadi.) Zarur hollarda esa, yozma taqrizida rahbar ishning yutuq va kamchiliklarini izohlaydi va baholaydi.
Kurs ishi himoyasi quyidagi shartlar bajarilganidagina amalga oshirilishi mumkin.
1) kurs ishi to’la tugallangan bo’lsa;
2) kurs ishini rasmiylashtirish talablari to’la bajarilganda;
3) kurs ishi bo’yicha topshiriq bergan rahbarning imzosi yoki ijobiy taqrizi hamda kafedra mudirining himoyaga ruxsat etilganligi haqidagi imzosi bo’lganida.
KURS ISHINI HIMOYA QILISH.
Kurs ishini himoya qilish jarayoni talaba uchun eng muhim bosqich hisoblanadi. Unda talabaning kurs ishi mavzusi bo‘yicha to‘plangan bilimlari sinaladi. Talaba o‘z ishini yaxshi bilishi, to‘plagan ma‘lumotlarining manbalarini aniq ko‘rsata olishi, hisob-kitoblar asosida tahliliy ma‘lumotlarini tushuntirib berishi, nazariy va amaliy savollarga javob bera olishi lozim. Yozib tugatilgan kurs ishi kafedra tomonidan belgilangan muddat ichida kafedrada ro‘yxatga olish yo‘li bilan qayd etilgandan so‘ng, tanishib chiqish va taqriz berish uchun kurs ishi rahbariga (yoki prorfessor-o‘qituvchilarning o‘quv yuklamasi doirasida boshqa o‘qituvchiga) beriladi.