9
II.2.Oqsil, yog’ va uglevodlar almashinuvi.
Oqsillar odam organizmning sog’-normal o'sishi va rivojlanishida
muhim rol o'ynaydi. Ular organizmda ikki xil fiziologik vazifani o'taydi:
plastik va energetik.
Oqsillarning ahamiyati shundan iboratki ular barcha hujayralar va
to'qimalarning tarkibiy qismiga kiradi, ya'ni hujayralarining eskirgan
qismlarini yangilab turishda va ularning ko'payishida asosiy rol
o'ynaydi.
Oqsillar (proteinlar) aminokislotalardan tuzilgan yuqori molekulali
birikmalardir, ular organizmda kislorod ishtirokida, oksidlanib,
parchalanadi va o'zidan energiya ajratadi.
Katta odam kundalik ovqatining tarkibida 80-120 g oqsil bo'lishi
kerak.
1g oqsil parchalanganda 4,1 kkal yoki 16,7 kj energiya ajratadi. Bu
energiya odam tanasi haroratining doimiyligini saqlash, ichki
organlarning normal shakllanishini ta'minlash, odamning harakatlanishi
va har xil ishlar bajarishi uchun sarflanadi.
Oqsillar plastik funksiyasi.
Oqsillar katalitik yoki ferment funksiyasida ya'ni organizmda
biokimyoviy reaksiyalarni tezlashtiradi.
Hujayra va hujayraaro strukturalarning asosiy tarkibini, tog’ay, teri,
suyaklarning asosiy moddasi tarkibiga kiradi.
Oqsillarning himoya funksiyasi.
Yot bakteriyalarga immun tanachalar (antitelolar) hosil bo'lishida
qatnashadi.
10
Irsiy xossalarining o'tishida DNK bilan RNKtarkibi bo'yicha farqi
(nekleoprotoeidlar tarkibidagi nuklein kislotasi).
Oqsillar transport funksiyasi, gazlarni tashiydi, lipoproteidlar yog’larni
transportini ta'minlaydi.
Oqsillar aminokislotalardan tuzilgan. Aminokislotalar tarkibiga
ko'ra sifatli va sifatsiz oqsillar bo'ladi. Sifatli oqsillar hayvon va
parranda mahsulotlarida bo'ladi: go'sht, baliq, tuxum, sut va sut
mahsulotlari. Sifatsiz oqsillar o'simlik mahsulotlarida bo'ladi: guruch,
no'xat, loviya, bug'doy, kartoshka, makkajo'xori va boshqalar.
Bolalar va o'smirlar organizmining normal o'sishi va rivojlanishi
uchun ularning kundalik ovqati tarkibida sifatli oqsillar yetarli miqdorda
bo'lishi kerak.
Oziq-ovqat mahsulotlarida 20 ta aminokislotalar turidan inson
foydalaniladi. Hayot uchun zarur aminokislotalarga:
valin, metionin, treonin, leysin, izoleysin, fenilalanin, triptofan, lizin,
arginin, gistidin.
Almashtirib bo'lmaydigan aminokislotalar yetishmasligi organizmda
oqsil almashinuvining buzilishiga olib keladi.
Tarkibida aminokislotaning zarur yig’indisini tutgan oqsillarni biologik
to'la qiymatli oqsillar deyiladi. Ular sut, tuxum, baliq, go'sht, jigarda
uchraydi.
Ovqatda oqsil yetishmasligi fermentlarni aktivligini pasaytiradi, jigar
va buyraklarning funksiyalari buziladi
Organizmdan ajratilgan azot miqdoriga qarab organizmda
parchalanayotgan oqsil miqdori aniqlaniladi. Oqsillarning tarkibida
16% azot bo'ladi. Azot miqdorini 6,25 koeffisientga ko'paytirish lozim.
11
Siydikdagi azot miqdori aniqlab va topilgan sonni 6,25 ko'paytirilsa
organizmda qancha oqsil parchalangani bilinadi. Shunga ko'ra musbat
yoki manfiy azot balansi vujudga keladi.
Yog’lar ham oqsillarga o'xshash odam organizmida plastik va
energetik ahamiyatiga ega.
1 g yog’ organizmda kislorod ta'sirida oksidlanib, 38,9 kj yoki 9,3
kkal energiya ajratadi.
Yog’lar ikki xil bo'ladi: hayvon yog’lari va o'simlik moylari.
O'simlik moylari esa to'yinmagan moy kislotalari bo'lib, ular xolesterin
moddasini eritadi va u organizmdan chiqib ketishiga sharoit yaratadi.
Shuniig uchun o’simlik moylari yoshi ulg’aygan kishilarda ateroskleroz
kasalligining oldini olishda muhim rol o'ynaydi.
Odam organizmining fiziologik ehtiyojiga ko'ra, sutkalik ovqat
tarkibida yog’ va oqsil miqdori deyarli teng bo'lishi kerak.
Kundalik ovqat tarkibida yog’ yetmasligi bolalar va o'smirlar
organizmining o'sishi va rivojlanishi sekinlashuviga sabab bo'ladi.
Bundan tashqari yuqumli kasalliklariga tashqi muhitning noqulay
ta'sirlariga sovuqda, odamning chidamligini, aqliy va jismoniy ish
bajarish qobiliyatini pasaytiradi.
Do'stlaringiz bilan baham: