Kurs (ishi) loyihasi

Omixta em komponentlarini me’yorlash va aralashtirish.
Omixta emga qo‘shilgan barcha komponentlar hayvon organizmida bir tekisda hazm bo‘lishi, ya’ni bir moddaning ma’lum miqdorida bir vaqtda boshqa moddaning keltirilganmiqdori to‘g‘ri kelishi kerak. Faqat shunday sharoitda eyilgan ozuqa hayvon organizmida retseptda ko‘rsatilgan yo‘nalishda samara beradi: tuxum qo‘yishi ortadi, og‘irligi yoki sut berishi ko‘payadi va boshqalar. SHuning uchun bir tomondan ma’lum og‘irlik birligida omixta emga qo‘shilgan barcha komponentlar berilgan miqdorda bo‘lishi, ikkinchi tomondan esa barcha komponentlar yaxshilab aralashtirilgan bo‘lishi kerak.
Dozalash-bu retseptda o‘rnatilgan omixta em komponentlari porsiyalarini o‘lchash yoki hajmiy o‘lchab berishdir. Tayyorlangan (tozalangan va maydalangan) komponentlar maxsus dozalovchi mashinalar dozatorlarga uzatiladi. Ishlash prinsipiga ko‘ra, dozalashning ikki usuli mavjud: hajmiy va o‘lchanadigan. Hajmiy dozalash komponentlarni uzluksiz o‘lchashni ta’minlaydi, tortiladigan esa dozatorlar konstruksiyasidan bog‘liq holda davriy va uzluksiz o‘lchashni ta’minlaydi. Hajmiy prinsip bo‘yicha dozalovchi mashinalar mahsulotni vaqt birligi oralig‘ida teng hajmda beradi, mashinalar esa komponentni talab qilingan miqdorda davriy yoki uzluksiz o‘lchaydi.
Hajmiy dozalash. Eng keng tarqalgani barabanli va tarelkasimon dozatorlardir. Barabanli dozatorlar retseptga katta miqdorda qo‘shiladigan komponentlar uchun, tarelkasimoni esa kam miqdorda kiritiladigan komponentlar uchun qo‘llaniladi. Uzluksiz harakatlanuvchi ODZ-2 xajmiy dozatori hajmiy dozalash tamoyili bo‘yicha ishlaydi, uning unumdorligi barabanning aylanish chastotasi o‘zgarishi bilan boshqariladi.
Mahsulot dozator usti bunkeridan chiqib, yumshatkich bellari bilan yumshatilib, baraban yacheykasini to‘ldiradi, qaysiki, aylanish natijasida uni dozatorning pastki qismiga yo‘naltiradi. Mahsulot harakatlanib, doimiy magnit yoyi orqali o‘tadi va metallomagnit aralashmalardan tozalanadi. Mahsulot dozatorning pastki qismidan yig‘uvchi zanjirli yoki vintli konveyerga qo‘yiladi..
Sanoatda tarelkasimon dozatorlarning bir necha xil modifikatsiyasi ishlab chiqariladi: DDT-turli komponentlarni dozalash uchun; DT, MTD-3a-minerallar uchun; DTK, DD-vitaminlar, mikroelementlar va to‘ldiruvchilarni dozalash uchun. Omixta em sanoatida hajmiy dozatorlarning boshqa tiplari (shnekli, lentali, vibratsion) ham qo‘llaniladi.