Курашиш дарслик “Akademiya” Тошкент – 2022

АТАМАЛАР ВА ТУШУНЧАЛАР ЛУҒАТИ
Давлат органи
– қонунчилик ҳужжатларига мувофиқ ташкил этилган, 
давлат функцияларини бажарувчи, давлат ҳокимияти ваколатларига эга 
бўлган давлат аппаратининг ташкилий жиҳатдан алоҳида тузилмаси.
Давлат фуқаролик хизмати
– давлат хизматининг бир тури ҳисоб ланиб, 
Ўзбекистон Республикаси фуқароларининг давлат органларида оммавий 
манфаатлар йўлида давлат органи функциялари ижросини таъминлашга 
қаратилган Давлат фуқаролик хизмати лавозимларининг давлат реестрига 
киритилган лавозимлардаги ҳақ тўланадиган касбий фаолияти.
Давлат фуқаролик хизматчиси
– ўз фаолиятини Давлат фуқаролик хиз
-
мати лавозимларининг давлат реестрига киритилган лавозимларда амалга 
оширувчи Ўзбекистон Республикасининг фуқароси.
Давлат хизматчиларининг одоб-ахлоқи 
– давлат хизматчилари эгаллаб 
турган давлат лавозимидан қатъи назар риоя қилиши шарт бўлган касбий 
хизматга оид одоб-ахлоқ нормалари, принциплари ва қоидалари ҳамда 
хулқ-атворларнинг умумий йиғиндиси.
Жамоатчилик назорати 
– жамоат бирлашмаларининг давлат ҳоки мияти 
ва бошқаруви органлари фаолиятининг амалдаги қонунларга мослигини 
аниқлаш ва баҳолаш бўйича юритадиган фаолияти. Жамоатчилик назорати
-
нинг шакллари қуйидагилардан иборат: давлат органларига мурожаатлар ва 
сўровлар; давлат органларининг очиқ ҳайъат мажлисларида иштирок этиш; 
жамоатчилик муҳокамаси; жамоатчилик эшитуви; жамоатчилик мониторинги; 
жамоатчилик экспертизаси; жамоатчилик фикрини ўрганиш; фуқароларнинг 
ўзини ўзи бошқариш органлари томонидан ижро этувчи ҳокимият органла
-
рининг, бошқа ташкилотлар ва муассасаларнинг ҳисоботларини эшитиш.
Жиноий жазо 
– жиноят содир этишда айбли деб топилган шахсга нис
-
батан давлат номидан суд ҳукми билан қўлланадиган ва маҳкумни қонунда 
назарда тутилган муайян ҳуқуқ ва эркинликлардан маҳрум қилиш ёки улар
-
ни чеклашдан иборат мажбурлов чораси. Жазо маҳкумни ахлоқан тузатиш, 
унинг жиноий фаолиятини давом эттиришга тўсқинлик қилиш ҳамда маҳкум, 
шунингдек, бошқа шахслар янги жиноят содир этишининг олдини олиш 
мақсадида қўлланилади.