Kostyum tarixi

Nimdxoti
– hind erkaklar bel kiyimi. 
Obi
– yapon libosidagi belbog’. 
Okumi
– yapon libosidagi qaytarma yoqa. 
Op-art
(inglizcha «optikal art» – optik san’at) – ranglar kontrasti, kesishuvchi 
egri chiziqlar yordamida hosil bo’luvchi illo’ziyalar ishtirokida rangtasvir, grafika 
asarlarini yoki liboslar yaratish yo’nalishi. Kiyimda bunday illo’ziyalar juda ko’p 
ishlatiladi. 
Orxni
– tikilmagan yelka kiyimi (miloddan avvalgi III ming yillik). 
Payjoma
– hind erkaklarining tepasi keng, pochasi tor ishtoni. 
Pantalon
– uzunligi boldirgacha bo’lgan tor tekis ishton bo’lib, uni yon choklari 
bo’ylab kashtado’zlik bilan, past qismini esa to’r burmali qo’shetaklar bilan yoki 
tasmali choklar bilan bezalgan. Pantalonlar ostidan tor paypoq-ishton kiyilgan.
Pao
– xitoy libosidagi assimetrik bichilgan ayollar koftasi. 
Parpasha
– beqasamdan qalinroq mato bo’lib, u paranji, shuningdek, chopon 
tikishda ishlatilgan. 
Penula
– Rim erkaklarining ustki kiyimi, doira yoki yarim doira shaklida bo’lib, 
bosh kirishi uchun yirig’i bo’lgan va u yerga kapyushon tikilgan. Qalin va dag’al 
junli matodan tikilgan penulalar dehqonlar kiyimi hisoblanib, qimmatboho matodan 
tikib, bezatilgani yuqori tabaqa vakillari tomonidan kiyilgan. 
Pigash
– kech o’rta asrlarda G’arbiy Yevropa oyoq kiyimi. XIV asrga kelib 
pigashlar uchi judayam uzayib, ular uzunligi egasining jamiyatdagi o’rniga qarab 70 
santimetrgacha borgan. Oyoq kiyim rangi ustki libos rangiga qarab alohida e’tibor 
bilan tanlangan: oq, qizil, qimmatbaho bezaklar bilan bezalgan oltin rang charm va 
h.k. Oyoq kiyim to’zilishi har ikki, ya’ni o’ng va chap oyoq uchun bir xilda. Inson 
tanasining tik va adlligini bo’rttirib turuvchi tor kiyim uzun yoki kalta, etagi 
yengining past qismi juda keng ustki kiyim bilan kiyilgan. Bu ikki qaramaqarshi 
siluetlar sabab erkak figurasi estetik jihatdan yanada ko’rkamlik kasb etardi.