Kostum va moda tarixi

Erkinlik va poliestr. 1970-yillarda yana xotin-
qizlarni ozodlikka chiqarish haqida gapira boshlashdi va 
«Shahvoniyat» tushunchasi paydo bo‘ldi, bunda ayollarga 
faqat ko‘ngilochar vosita deb qaralar edi. O‘ziga bunday 
munosabatni chetlab o‘tish uchun ayol mini-yubka va 
baland poshnadan voz kechishi hamda jinsini bo‘rttirib 
ko‘rsatmaydigan kiyimlar kiyishi kerak deb tushunilar edi. 
Birinchi galda bu ish libosda aks etdi. Dam olish va ishlash 
uchun hatto uniseks kiyimi paydo bo‘ldi (har ikki jins uchun 
birday to‘g‘ri keladigan kiyim), masalan, sviter yoki bluzka 
bilan kiyiladigan jinsi shim. 
Shu bilan bir vaqtda XIX asr uslubidagi «daqqiyunusdan 
qolgan» kiyimlar modaga kirdi – baland yoqalar, bluzka va 
yubkadagi burmalar, shollar, ko‘ylaklar. Iv Sen-Loran pechvork 

---

111
(turli qiyqimlardan quroq buyum yasash)ni oliy moda taomiliga 
kiritdi. 
Kundalik kiyimda murakkablik o‘rniga tabiiylik keldi, bu, 
eng avvallo, Amerika dizaynerlari ijodida namoyon bo‘ldi. 
1970-yillarning ikkinchi yarmidan qulaylik yuksak 
qadrlangan, yubkaning bo‘yi tizzaga kelib to‘xtagan, yupqa 
tagcharmli tufli yana qaytib keldi. Kiyimda erkin harakat qilish 
va orastalikni yo‘qotmaslikka imkon beruvchi jersi buyumlari 
ommalashib ketdi. Bular barchasi o‘n yillikning ikkinchi 
yarmidagi kundalik ayollar libosi uslubini belgilab berdi. 
Sintetik matolar o‘n yillikning eng modali yangiligi bo‘ldi – 
yengil, chiroyli, nihoyat kirchimol, ishbop. Undan hamma 
narsa tikkanlar: ichko‘ylak va ko‘ylaklar, sport buyumlari va 
ishbop kiyimlar. Uslublarning barchasi – qulaylari (jinsi va 
sviterlar), ishboplari (ko‘ylaklar, tivit yubkalar, kostumlar) va 
romantik-etniklar (uzun ko‘ylaklar, kashtalar, to‘rlar, shollar)  – 
bir-biri bilan yaxshi «chiqishgan», uzviy birlashib ketgan, bu 
postmodernizm davrining o‘ziga xos xususiyati hisoblanadi. 
1970-yillarning boshida mini-yubkalar kalta shortga aylandi. 
Ko‘chalarda mini maksilar bilan yonma-yon uchrar edi. Unisini 
ham,  bunisini  ham  poshnasi  baland  tufl  bilan  kiyar  edilar. 
Xotin-qizlar liboslari ichida shim va kostum-shimlar muhim 
o‘rin tutgan. Ularni kiyib, ishga, restoranga bemalol boraversa 
bo‘lardi. Son tomoni qisqa shimlar pastga tomon kengayib 
borardi va poshnani yopib olishi kerak edi, shunda oyoqlar 
uzun va xushbichim ko‘rinardi.