Kostum va moda tarixi

II BO‘LIM. QADIMGI DUNYO DAVLATLARI  
SAN’ATI VA KOSTUMI TARIXI
2.1. Qadimgi Misr san’ati va kostumi tarixi
Misr san’ati insoniyat tarixida eng qadimgi madaniyat 
markazlaridan sanalib, bir necha ming yillar davomida O‘rta 
yer dengizi, Sharqiy Afrika va Old Osiyo san’atida muhim 
rol o‘ynadi. Misr xalqi eng birinchi mahobatli me’morchilik, 
haykaltaroshlikda portret janri, badiiy hunarmandchilikning 
ijodkori sifatida jahon san’atida o‘z o‘rniga ega.
San’at tarixida ulkan iz qoldirgan Misr san’ati Nil 
vodiysi bo‘ylarida mil. avv. 5000-yillarda vujudga kelgan. 
Nilning serhosil yerlarida dehqonchilik va baliqchilik bilan 
shug‘ullangan jamoa orasida davrlar o‘tib mulkka egalik 
boshlandi. Yer, suv va qullarni ko‘paytirishga bo‘lgan intilish 
oqibatida jamoa orasida tabaqalanish paydo bo‘ldi. Bu mil. 
avv. 4000-yillar o‘rtalarida ikki yirik davlat – shimoliy va 
janubiy davlatlar vujudga keldi. Ikki davlat o‘rtasidagi 
urushlar mil. avv. 3200-yilda Janubiy Misrning Shimoliy 

---

10
Misr ustidan qozonilgan g‘alabasi bilan yakunlanib, yagona 
Misr davlatining tarixini boshlab berdi.