Kostum va moda tarixi

Liboslari. Yaponiyada san’at, hunarmandchilik rivojlanishi-
ga xitoy san’atining ta’siri katta bo‘lsa-da, yaponlar bu borada 
betakror uslub yaratadilar. VII asrda Koreyadan Yaponiyaga 
qog‘oz tayyorlash san’ati kirib keladi. Qog‘ozning yengilligi 
va chidamliligi yaponlarga bejirim qurilish materiallari tayyor-
lashlarida qo‘l keladi. Yaponlar uylar, xonalarni ajratib turuvchi 
surilma eshik, fonarlar, yelpig‘ichlar, hatto ruhoniylari uchun 
kiyim – kamiko, suvyuqmas qog‘ozdan soyabonlar yasaydilar. 
Qog‘ozni taxlash san’ati – origami deb ataladi. 

---

57
«Yapon rokoko»si deb hisoblangan Xeyan davrida Yaponiya-
ning Xitoy bilan aloqasi susayadi, bu esa yapon madaniyatiga 
ijobiy ta’sir ko‘rsatadi. Xitoy madaniyatining ta’siriga qara-
may, yapon me’morchiligi, ayniqsa, turarjoy va interyerining 
o‘ziga xosligi bilan e’tiborni tortadi. Yaponlarning uyilari kat-
ta ham, baland ham bo‘lmagan, to‘siqlar yordamida yengil 
transformatsiya langan.
Yaponlar go‘zallik, nafosat tuyg‘usiga o‘zgacha nazar so-
ladilar, ular go‘zallikni san’atda aks ettira oladilar. Bu jihat 
yapon millatiga xos xususiyatga aylangan. Yapon milliy san’ati-
ning dovrug‘i jahonga ketgan. Yapon bog‘lari, choy tayyorlash 
marosimi hamda gullarni saralab, dastalash san’ati – ikebana 
shu jumladandir.
Yaponiya tarixining musiqa va o‘yinlar, diniy marosimlar 
bilan bog‘liqligi bizga tarixiy manbalardan ma’lum. Dastlab 
yaponlar hind, xitoy va koreys musiqalaridan ko‘p foydala-
nadilar. 
Yapon ayollari qavat-qavat libos kiyganlar. Yapon ayollari 
belbog‘ni beldan yuqoridan bog‘laganlar.