Korxonaning shaxsiy tarkibi, uning turkumlanishi, mehnatga haq to‘lashni shakllari va turlari

Ish haqi fondini nazorat qilish tartibi.

Ishlab chiqarish rejasining bajarilishiga muvofiq mehnatga haq to‘lash fondi ustidan doimiy nazorat bevosita korxona xodimlari tomonidan amalga oshiriladi.
Buxgalteriya xodimlari ishbay narx va baholarning tarif stavkalarini, maosh, ustama haq va qo‘shimcha to‘lovlar, mukofotlarning to‘g‘ri qo‘llanilishi va hisoblanishi ustidan joriy nazorat o‘rnatishi kerak.
SHu vaqtga qadar ish haqi fondidan to‘g‘ri foydalanilishi ustidan tashqi nazorat funksiyalari davlat tomonidan bank muassasalari zimmasiga yuklangan edi.
Bank nazorati mahsulot (ish, xizmat)lar ishlab chiqarish hajmi yoki korxona faoliyatini ifodalovchi boshqa ko‘rsatkichlar (daromad) hamda ish haqi buyicha hisob va hisobotning joriy etilgan tartibi asosida har chorakda amalga oshirilar edi.
Bank muassasalalari korxonaga ish haqi uchun mablag‘larni mahsulot (ish, xizmat)lar yoki daromad hajmining o‘sish darajasi 0,7 koeffitsientiga to‘g‘rilangan ish haqi fondining baza darajasiga asoslangan holda berar edi. Ishlab chiqarish hajmi kamaygan taqdirda ish haqi uchun mablag‘lar bank tomonidan ish haqi fondining baza darajasida berilar edi.


Jismoniy shaxslardan olinadigan daromad solig’i bo’yicha to’rt bosqichli soliq solish shkalasi.

2018 yilda
Soliq solinadigan daromad	Soliq stavkasi
eng kam ish haqining 1barvarigacha miqdorda	0 %
eng kam ish haqining 1 baravaridan (+1 so’m) 5 baravarigacha miqdorda	7,5 %
eng kam ish haqining 5 baravaridan (+1 so’m) 10 baravarigacha miqdorda	16,5 %
eng kam ish haqining 10 baravari (+1 so’m) va undan yuqori miqdorda	22,5 %

2019 yilda jami soliqqa tortiladigan jismoniy shaxs daromadining 12 foizi (O’zbekiston Respublikasi rezidentlari uchun) va 20 foizi (O’zbekiston Respublikasi norezidentlari uchun) jismoniy shaxslardan olinadigan daromad solig’i sifatida undirib olinadi. Ularning tarkibidan shaxsiy jamg’arib boriladigan pensiya hisobvarag’iga to’lov (0,1%) summasi chegirib, qolgan qismi davlat soliq inspeksiyasiga o’tkazib beriladi va mazkur o’tkazib berilgan summa jismoniy shaxslardan olinadigan daromad solig’i summasi bo’lib hisoblanadi.