Korxonaning aylanma mablag’lari

Ish tuzilmasining tavsifi.Ushbu mustaqil ishi tarkibiy jihatdan kirish, 2 bob, xulosa va takliflar, foydalanilgan adabiyotlar ro’yhati va ilovalardan iborat.

I BOB.KORXONANING AYLANMA MABLAG’LARI.

1.1.Aylanma mablag’lar tushunchasi, iqtisodiy tabiati va ularning korxona faoliyatidagi ahamiyati.

Aylanma mablag‘lar ishlab chiqarishning aylanma fondlari va muomala fondlarini
tashkil qilishga mo‘ljallangan pul mablag‘laridan iborat. Aylanma mablag‘lar, qoidaga
ko‘ra, korxonaning hisob raqamida naqd pul ko‘rinishida jamg‘ariladi.
Korxonalarning aylanma mablag‘lari aylanma fondlari va muomala fondlariga
taqsimlanadi. Aylanma ishlab chiqarish fondlarikorxona ishlab chiqarish fondlarining
bir qismi bo‘lib, bitta ishlab chiqarish sikli davomida sarflanadi hamda natural shaklini
o‘zgartirib, o‘z qiymatini to‘lig‘icha tayyor mahsulot tannarxiga o‘tkazadi. SHu sababli
aylanma ishlab chiqarish fondlari ishlab chiqarish jarayonining majburiy elementi va ishlab chiqarish xarajatlarining asosiy qismi hisoblanadi.
Korxona aylanma ishlab chiqarish fondlari qatoriga xom ashyo va materiallar
zahirasi, yarim tayyor mahulotlar, yoqilg‘i va energetika resurslari, qadoqlash va o‘rov
materiallari, ehtiyot qismlar, tugallanmagan ishlab chiqarish va kelajakdagi xarajatlarni
kiritish mumkin. Rejalashtirish, sistemali hisob va hisobotni tashkil qilish uchun qulaylik
yaratish maqsadida aylanma ishlab chiqarish fondlari uch guruhga bo‘linadi: