Korxonalar moliyasini boshqarish

KORXONALAR MOLIYASINI BOSHQARISH

56-2 MM GURUHI TALABASI:

PARDAYEVA MARHABO AMRIDDIN QIZI

Reja:

• 1. Korxonalarni Moliyaviy boshqarish ob’ekti va sub’ekti
• 2. Korxonalarni Moliyaviy boshqarishning maqsad va vazifalari

Hozirgi kunda moliyaviy resurslarni boshqarish har bir korxona oldida turgan eng asosiy va strategik vazifalardan biri hisoblanadi. Bu yo’nalishning korxonani boshqarish tizimida strategik ahamiyatga egaligi moliyaviy resurslar va boshqa resurslar (moddiy resurslar, mehnat resurslari va boshqalar)ni jalb qilishning o’zaro bog’liqligi bilan izohlanadi. Bunday o’zaro bog’liqlikning ratsional, maqsadga muvofiq va samarali tashkil etilishi ko’p jihatdan korxona iqtisodiy barqarorligini belgilab beradi, shuningdek iqtisodiy sub’ekt faoliyatidan manfaatdor bo’lgan mulkdorlar, xodimlar, kontragentlar, davlat va jamiyat moddiy farovonligi o’sishiga xizmat qiladi. Bozor iqtisodiyotida moliyaviy resurslarning (muhim) ahamiyatga egaligi ularni boshqarishning funktsiyalarini belgilab beruvchi mustaqil faoliyat sifatida moliyaviy menejmentni tashkil etish zaruriyatini shart qilib qo’yadi.

Moliyaviy menejment – bu korxonaning strategik va joriy maqsadlarini amalga oshirishga yo’naltirilgan moliyaviy resurslarni va moliyaviy faoliyatni boshqarishdir. “Moliyaviy menejment tizimi iqtisodchilar tomonidan kompaniyalarda istiqboldagi va faoiyat yuritishidagi strategik va joriy moliyaviy maqsadlarni rejalashtirish, amaliyotga tatbiq etish, nazorat va taxlil qilish, o`z vaqtida to`g`rilash hamda tartibga keltirishdagi ilmiy jihatdan asoslangan o`zaro bog`liqlikdagi metodlar va instrumentlar kompleksi sifatida tushuniladi” . Har qanday boshqarish tizimi kabi moliyaviy menejment ham ob’ekt va sub’ektga, ya’ni boshqariluvchi va boshqaruvchi tizim ostlariga ega. Bunda korxonalarning pul mablag’lari va ularning manbalari, shuningdek korxonalar, xo’jalik faoliyatining boshqa ishtirokchilari, moliya tizimining turli bo’g’inlari o’rtasida yuzaga keladigan moliyaviy munosabatlar boshqarish ob’ekti hisoblanadi.