Korxona xaqida qisqacha ma’lumot

Kryukoblok (ilgakli blok)

Kryukoblok tal sistemasini harakatlanuvchi qismi bo‘lib burg‘ilash quvurlarni tushirib ko‘tarishga, mustahkamlovchi quvurlarni tushirishga, ularni osilgan holda ko‘tarib turishga xizmat qiladi. Qryukoblok korpus ichiga o‘rnatilgan g‘altaklardan va unga osilgan ilgakdan iborat. Tal blok va ilgaklar alohida-alohida ham bo‘ladi. Lekin, hozirgi paytda talblokga ilgakni birlashtirib ularni kryukoblok nomi bilan yasab chiqarilmoqda. DG315 turidagi kryukoblok (ilgakli blok)ning ko‘rinishi 3.5-rasmda tasvirlangan.

DG315 turidagi kryukoblok (ilgakli blok).

Vertlyuglar

Vertlyug tal sistemasi va burg‘ilash quvurlar birikmasini bir-biriga bog‘lovchi aslaha. Vertlyug burg‘ilash quvurlarini aylantirishga, bir vaqtda nasosdan kelayotgan suyuqlikni o‘tkazib, quduq tubiga yuborishga moslangan. Vertlyug og‘ir yuk ko‘tarib, yuqori gidravlik bosimni ham ushlashi kerak.

UV-250 rusumidagi vertlyugning ichki ko‘rinishi 3.6-rasmda tasvirlangan.

UV-250 rusumidagi vertlyugning ichki ko‘rinishi.

Tal arqoni

Tal arqoni – chig‘ir bilan ilgakli tal bloki orasida bog‘lovchi vazifasini bajarib, tal sistemasi bajaradigan hamma ishlarda ishtirok etadi. Tal arqonini tayyorlashda mustahkamlik chegarasi 1600-1800 mN/m² bo‘lgan yuqori uglerodli va yuqori marganetsli simlardan foydalaniladi. Har xil o‘ramli po‘lat arqonning ko‘rinishi 3.7-rasmda tasvirlanagn.

3.7-rasm. Har xil o‘ramli po‘lat arqonning ko‘rinishi.

1-xoch o‘ramli; 2-bir tomonlama o‘ramli; a-o‘ng; b-chap.
Burg‘ilash qurilmalarida tal sistemasining doiroviy shakldagi olti o‘ramli po‘lat arqonlari keng qo‘llaniladi. Undan tashqari ishlab chiqarishda, ayniqsa burg‘ilash ishlarida har xil o‘lchamli Burg‘ilash, asbobli, jelonkali, ruxlangan arqonlar ishlatiladi. 3.1 jadvalda tal arqonlarining texnik xususiyati berilgan.