Korxona buxgalteriya balansi va uning tarkibiy tuzilishi

“KORXONA BUXGALTERIYA BALANSI VA UNING TARKIBIY TUZILISHI” MAVZUSIDA YOZILGAN
KURS ISH


Toshkent - 2020
MUNDARIJA
KIRISH
1. Buxgalteriya balansining mazmuni va mohiyati
2. Buxgalteriya balansi bo’limlari va moddalarining tavsifi
3. Buxgalteriya balansini tuzishdan oldin amalga oshiriladigan hisob ishlari
4. Balansning joriy aktivlar qismini tuzish tartibi
5. O’z mablag’larining manbalari bo’limini tuzish qoidalari
Xulosa va takliflar.
Foydalanilgan adabiyotlar ro`yxati.
KIRISH


Mavzuning dolzarbligi. Iqtisodiyotni tizimli va tarkibiy jihatdan izchil yangilash davrida iqtisodiyotda makroiqtisodiy mutanosiblikni ta’minlash, iqtisodiy o’sishda yetakchi o’rin tutishi lozim bo’lgan ishlab chiqarish, soha va tarmoqlarni jadal rivojlantirish O’zbekistonning o’ziga xos xususiyatlari muammolarini hal etishga qaratildi. Ushbu vazifalarni bajarishda, xo’jalik yurituvchi su’yektlarda buxgalteriya hisobi va hisobotlarni xalqaro standartlar talablariga muvofiq mukammaltirish masalalari bugungi kunning dolzarb vazifalaridan hisoblanadi.
Buning uchun xo’jalik yurituvchi su’yektlarda buxgalteriya hisobining dastlabki hisob ma’lumotlarining tuzilishi va ularning rasmiylashtirilishini, shuningdek, tuziladigan hisobotlarning shakli va mazmunini takomillashtirishni taqazo etadi.
Buxgalteriya balansi moliyaviy hisobotning asosiy shakllaridan biri hisoblanadi. Unda xo’jalik yurituvchi su’yektning aktivlari, kapital va majburiyatlar hamda ularning tarkibi to’g’risidagi ma’lumotlar ma’lum bir davrga aks ettiriladi. Buxgalteriya balansining mazmuni va mohiyatini ochib berish maqsadida iqtisodiy adabiyotlarni tahlil qilish ularning barchasida bir-biriga o’xshash, umumiy va mazmuniy jihatidan yaqin bo’lgan ta’riflar, tushuntirishlar, fikr va mulohazalarning mavjudligini ko’rsatadi. Bu o’z navbatida mamlakatimizda nashr qilinayotgan iqtisodiy adabiyotlarda buxgalteriya balansining mazmuni va mohiyatini ochib berishda ancha salmoqli ishlar amalga oshirilayotganligini tasdiqlaydi.