Корхонанинг профилини тузиш усули

Aim.uz

Корхонанинг профилини тузиш усули

Корханани таҳлил қилишда хавфларни, имкониятларни, ташкилотнинг куч ва кучсизлигини ўрганиш усуллари билан бир қаторда профилни тузиш усули ҳам қўлланиши лозим. Ушбу усул алоҳида макромуҳитнинг, бевосита муҳитнинг ва ички муҳитнинг профилини тузиш учун қулай. Муҳит профилини тузиш усули ёрдамида ташкилот учун муҳитнинг алоҳида факторларининг нисбий аҳамиятини баҳолашга эришилади.

Корхонанинг профилини тузиш усули қуйидагидан иборат. Корхона профилининг жадвалига муҳитнинг алоҳида омиллари ёзилади. Ҳар бир факторни экспертиза қилиш тарзда баҳо берилади:

• 
  шкала бўйича тармоқ учун аҳамиятлилик: 3 – катта, 2 – ўртача, 1– суст;
  
• 
  шкала бўйича корхонага таъсир қилиши: 3 – кучли, 2 – ўртача, 1 – кучсиз, 0 –таъсирнинг йўқлиги;
  
• 
  шкала бўйича рақобатчилар муҳитига таъсири: таъсири юқори –3, ўртача – 2, йўқ – 0
  

Корхананинг профил жадвали

№	Муҳит факторлари	Тармоқ учун аҳамият- лилик, А	Корхонага таъсири, В	Рақобатчилар муҳитига таъсири, С	Муҳимлилик даражаси, Д=А*В*С
	Хорижий инвестиция	3	3	2	Д= 3х 3 х 2 = 18
	Акцияларини сотиш
	Янги технология ва усулларни қўллаш

Кейин учала эксперт баҳолар бир-бирига кўпайтирилади ва корхона учун факторнинг муҳимлилик даражасини кўпайтирувчи интеграль баҳо ҳосил бўлади. Бу баҳо бўйича раҳбарият муҳит факторларининг қайсилари корхона учун зарур эканлигини, шунингдек, жиддий эътиборга лойиқлигини ва қандай факторлар камроқ эътиборга лойиқлигини хулоса қилиши мумкин.
Корхона таҳлили – бу ташкилот стратегиясини ишлаб чиқиш учун жуда муҳим ва мураккаб жараёндир. Муҳитни билмасдан корхона мавжуд бўла олмаслиги муқаррар. Бироқ корхона жилови, эшкак ёки елкани йўқ қайиқ каби ўраб турган муҳитда сузмайди. У ўзининг мақсадлари йўлида муваффақиятли силжишларни таъминлаш учун муҳитни ўрганади.

Aim.uz