Корхона иқтисодиёти

Банклар ва молия муассасалари. Тадбиркорлар учун мамлакатда етарли миқдорда фаолият кўрсатувчи молия институтлари ва жаҳондаги йирик банкларга тегишли филиалларнинг мавжудлиги аҳамиятлидир.
Ҳукумат идораларидаги расмиятчилик. Тадбиркорлар расмиятчилик, қоғозбозлик авж олган муҳитга камдан-кам ўз маблағларини сарфлайдилар. Ҳукумат учун энг муҳими, расмиятчилик сабаб бўлиб тадбиркорликка тўсиқларни бартараф этиш ва йўл қўйилган хатоликларни тузатишдир. Ҳукуматнинг фаолиятига катта тажрибага эга бўлган тадбиркорлар томонидан берилган баҳо муҳимдир.
Ишбилармонлик муҳити. Бу тушунча мамлакатда малакали адвокатлар, маслаҳатчилар, иш юритувчилар, бухгалтерлар, қурувчилар ва конструкторларнинг мавжудлигини англатади.
Аҳолининг яшаш сифати. Бу омил аҳоли турмуш тарзи ва даромадларининг даражаси, ишлаб чиқарилаётган маҳсулотларга талаби ва диди ва бошқаларни акс эттиради.
Мамлакатимизда аралаш иқтисодиётга асосланган жамиятни қуришда қулай тадбиркорлик муҳитини яратиш − давлатимиз иқтисодий сиёсатининг устувор йўналишларидан бири бўлди.
Тадбиркорлик муҳитининг муҳим таркибий қисми − давлатнинг қонунчилик базасидир. Ўзбекистонда тадбиркорлик соҳасида ишончли меъёрий-ҳуқуқий база яратилди.
Тадбиркорлик фаолиятини тартибга солиш ва қўллаб-қувватлаш тизими қўп сонли қонунчилик-ҳуқуқий ва меъёрий ҳужжатлардан иборат бўлиб, қуйидагиларни ўз ичига олади: қонунлар ва мамлакат Президентининг фармонлари; қарорлари; республика ҳукумати қарорлари ва дастурлари; ижтимоий-иқтисодий ва илмий-тсхникавий ривожланишнинг комплекс ва давлат дастурлари; ҳукуматлараро шартномалар ва битимлар; вазирлик ва идораларнииг низомлари, йўриқномалари, стандартлари, қоидалари;; ҳудудий бўғинлар ва хўжалик субъектлари доирасида амал қиладиган низомлар ҳамда уставлар ва ҳоказолар.
Ўзбекистон юқори технологик маҳсулотларни ишлаб чиқариш имконини берадиган етарлича ривожланган саноат ва илмий-техникавий салоҳиятга эга. Республикада кўп тармоқли саноат салоҳияти мавжудлиги туфайли автомобиллар, самолётлар, трансформаторлар ва аккумуляторлар, турли электротехника буюмлари, электроника, лифтлар, гидронасослар, тракторлар, пахта териш комбайнларининг янги модификациялари каби илмий тараққиётга асосланган маҳсулот турларини ишлаб чиқаришни ташкил килишга эришилди.
Республиканинг тадбиркорлар учун юқори жозибадорлиги − унда бой ресурс базасининг мавжудлигидир.
Маҳаллий хом ашёни қайта ишлашни чуқурлаштириш, қайта ишловчи тармоқларнинг мамлакат саноат мажмуасидаги улушини кўпайтириш экспортнинг янги тузилмасини шакллантиради, унда салмоқли ўрин тайёр буюмлар ва чуқур қайта ишлаш даражасига етказилган маҳсулотлар эгаллаган.
Тадбиркорлик муҳитини шакллантиришда инфратузилма бўғинларининг ривожланганлик даражаси муҳим аҳамият касб этади.
Мамлакатимизда табиркорликнинг ривожланиб бораётганлигини намоён этувчи яна бир жиҳат — давлат бюджетидан молиялаштириш таркибидаги нисбатларнинг сезиларли даражада ўзгариб бораётганлиги ҳисобланади.