Корхона хўжалик учули билан ишлаб чиқариш омборхонасини қуради. Қурилиш бўйича харажатлар 92 000 минг сўмни ташкил этади, шу жумладан

Корхона хўжалик учули билан ишлаб чиқариш омборхонасини қуради. Қурилиш бўйича харажатлар 92 000 минг сўмни ташкил этади, шу жумладан:
- материаллар 50 000 минг сўм, шу жумладан ҚҚС - 8 333 минг сўм;
- ЯИТ ҳисоби билан ходимлар иш ҳақи - 38 000 минг сўм;
- қурилишда фойдаланилган асосий воситалар амортизацияси - 4 000 минг сўм ва рўйхатдан ўтказиш харажатлари 700 минг сўм.
Корхона - фойда солиғи ва ҚҚС тўловчиси.
Асосий воситаларнинг бошланғич қиймати бўлиб, тўланган ва қопланмайдиган солиқларни (йиғимларни), шунингдек активни ундан мўлжал бўйича фойдаланиш учун ишчи ҳолатига келтириш билан бевосита боғлиқ бўлган етказиб бериш ва монтаж қилиш, ўрнатиш, ишга тушириш ва исталган бошқа харажатларни ҳисобга олган ҳолда, асосий воситаларни тиклаш (қуриш ва қуриб битказиш) ёки харид қилиш бўйича ҳақиқтда қилинган харажатларнинг қиймати ҳисобланади.
Ўз эҳтиёжлари учун ўз кучи билан бажарилган қурилиш-монтаж ишлари қўшилган қиймат солиғига тортилмайди (СК 199-моддаси иккинчи қисмининг 3-банди).
Материал ресурслари бўйича ҚҚС суммаси 01.01.2019 йилдан бошлаб ҳисобга олинади.
Шундай қилиб, ишлаб чиқариш омборхонасининг бошланғич қиймати бўлиб 84 367 минг сўм (50 000 - 8 333 + 38 000 + 4 000 + 700) ҳисобланади.

N	Хўжалик операциялари мазмуни	Сумма, минг сўм	21-сон БҲМС бўйича счётлар боғланмаси		Қайдларни тасдиқловчи ҳужжатлар
			Дебет	Кредит
1.	Материалларни қурилишга ҳисобдан чиқариш ҚҚС суммасига	41 667 8 333	0810 4410	1000 6010	Талабнома-юкхат Счет-фактура
2.	Меҳнатга ҳақ тўлаш бўйича харажатлар акс эттирилади	38 000	0810	6710, 6520	Иш ҳақини ҳисоблаш ведомости
3.	Қурилишда фойдаланилган асосий воситаларнинг амортизацияси ҳисобдан чиқарилади Рўйхатдан ўтказиш харажатлари	4 000 700	0810	0220 6990	Бухгалтерия маълумотнома-ҳисоб-китоби
4.	Омборхона фойдалнишга топширилди	84 367	0120	0810	АВ-1-сон шаклнинг қабул қилиш-топшириш далолатномаси

Юридик шахсларнинг солиқ солинадиган фойдаси ишлаб чиқаришни модернизациялашга, техник ва технологик жиҳатдан қайта жиҳозлашга, янги технологик жиҳоз харид қилишга, ишлаб чиқаришни янги қурилиш шаклида кенгайтиришга, ишлаб чиқариш эҳтиёжлари учун фойдаланиладиган бинолар ва иншоотларни реконструкция қилишга, шунингдек ушбу мақсадлар учун олинган кредитларни узишга, лизинг объекти қийматининг ўрнини қоплашга йўналтириладиган маблағлар суммасига, тегишли солиқ даврида ҳисобланган амортизацияни чегириб ташлаган ҳолда, бироқ солиқ солинадиган фойданинг 30 фоизидан кўп бўлмаган миқдорда камайтирилади (Солиқ коедкси 159-моддасининг 3-банди).
Объектнинг ўртача йиллик қолдиқ қиймати мол-мулк солиғини ҳисоб-китоб қилишда ҳисобга олинади (Солиқ кодексининг 267, 268-моддалари).