Konsultativ psixologiya va psixokorreksiya

Курс ишнинг методологик асоси бўлиб, аввало «Соғлом авлод» давлат Дастури, «Таълим тўғрисидаги Қонун» ҳамда Ўзбекистон Республикасида «Кадрлар тайёрлашнинг миллий Дастури» ғоялари, “Баркамол авлод йили” давлат дастури, Президентимиз И.А.Каримовнинг маънавий ва ижтимоий ҳаётни эркинлаштириш, маънавий-маърифий ислоҳотларни чуқурлаштириш, миллий ғоя ва мустақиллик мафкураси мазмунини ташкил этган фикр ва ғоялари ташкил қилади. Бундан ташқари, жаҳон психологиясидаги шахснинг шаклланиши назариялари (Б.Г.Ананьев, Ю.А.Самарин) ва Ўзбекистонлик психологларининг шахс маънавий баркамоллиги бўйича ишлаб чиққан назарий ёндашувлари (М. Давлетшин, Э. Ғозиев, В. Каримова, Б. Қодиров, М.Абдуллажонова ва бошқалар) ҳам хизмат қилди.
Курс ишнинг мақсад ва вазифалари.
Ўспирин шахсини ривожлантирувчи ижтимоий-психологик шарт-шароитларни ўрганиш тадқиқотнинг асосий мақсади бўлиб хизмат қилади.
Тадқиқот мақсадини амалга ошириш учун қуйидаги вазифалар белгиланди:
1. Шарқ мутафаккирларининг шахс тарбияси бўйича қарашларини ўрганиш.
2.Ижтимоий-психологик тизимни ўспирин шахсини ривожлантирувчи омил сифатида ўрганиш.
3. Ўспирин шахси камол топишидаги ички қарама-қаршиликларни ўрганиш.
4. Ижтимоий-психологик тренинглар ёрдамида ёшларни ўзини-ўзи тарбиялашга ўргатиш.
Курс ишнинг илмий фарази.
Бизнинг тахминимизча, ўспирин шахси ривожланиши учун махсус яратилган шарт-шароитлар, фаол ижтимоий-психологик тайёргарлик усуллари етакчи рол ўйнаши мумкин.
Курс ишнинг методлари.
1. Ўспирин шахси ривожланишини ўрганиш мақсадида экспериментал кузатув ва суҳбатлар ўтказиш.
2. Ижтимоий-психологик тренинглар асосида ўспирин шахсида ўзини-ўзи тарбиялашни ривожлантириш.
Курс ишнинг объекти.
Ўспирин шахси ва унга хос бўлган ижтимоий-психологик хусусиятлар.
Курс ишнинг предмети бўлиб, ўспирин шахси ривожланишидаги ижтимоий-психологик омиллар, ҳамда ижтимоий ҳаётда намоён бўладиган шахс сифатларини таркиб топтириш ҳисобланади. Маълумки, ижтимоий хулқнинг мақсадга мувофиқ барқарор малакаларини шакллантириш учун кўп марта такрорланишга асосланувчи қайтариладиган машқлардан ташқари, шахс томонидан уларни англаш ва руҳан ичдан қабул қилиш ҳам катта аҳамиятга эга.