Konsultativ psixologiya va psixokorreksiya

Test № 3.
Deduksiya-Bunda sinaluvchiga narsa va xodisalarga aloqador bo‘lgan bir nechta sifat so‘zlar havola etiladi. Sinaluvchilarning vazitfasi shu belgilar xos bo‘lgan predmetlarni imkon darajada ko‘proq keltirib ularni yozishdan iborat.
1. Qizil. 2. YUmaloq. 3. Tuganmas.
Bunda ham har bir belgi uun predmetlarni kueltirishga sinaluvchiga 2 minutdan vaqt ajratiladi va o‘ziga xos yangi, original, ahamiyatli fikrlar alohida hisobga olinadi.
Masalan: 1) qizil-olma, ko‘ylak, mato, qon, qalampir, tarvo‘z, gul, mashina, uy va hokazo.
2) yumaloq-oyna, tuxum, o‘zuk, g‘or, tog‘ora, geometrik shakl, aylana, qozon, doska va hokazo.
3) tuganmas, cheksiz-fazo, vaqt, kino, tarix, kuylar, havo, suv, olov, koinot, olam, dunyo va hokazo.
Test № 4.
Induksiya-Ushbu testda sinaluvchiga bir nechta predmetlarning nomi aytiladi. Sinaluvchining vazifasi ana shu predmetlar qaysi ob’ektlarga va sinflarga tegishli ekanligini topishdan iborat. Original, yangi, takrorlanmas fikrlar natijalar tahlilida alohida hisobga olinadi.
1) olma, 2) benzin, 3) shahar.
Ushbu testni bajarishda sinaluvchiga har bir predmet ob’ekti va sinfini belgilash uchun 2 minut vaqt ajratiladi.
Masalan: 1) Olma - meva, hosil, ozuqa, tovar va hokazo.
2) benzin - yonilg‘i, suyuqlik, tez yondiruvchi modda va hokazo.
3) shahar - poytaxt, aholi yashash joyi, Toshkent, savdo markazi, geometrik nomlanish va hokazo.
Dj.Gilford testi turli yoshdagi o‘quvchilarning ijodiy tafakkur xususiyatlarini aniqlash imkonini beradi. SHuningdek bu metodika yordamida iste’dodli bolalarni tanlash ishlarini ham amalga oshirish mumkin.
Bitiruv malakaviy ishimizning amaliy qismida Dj.Gilford “Kreativ tafakkur testi” dan foydalanib o‘smir o‘quvchilarning ijodiy tafakkur xususiyatlarini o‘rganish orqali ulardagi ijodiy qobiliyatni diagostika qilish va zarur bo‘lgan xolatda psixokorreksion ishlar olib borish bo‘yicha tavsiyalar berishni lozim topdik.
Ushbu metodika bo‘yicha tadqiqotlarimizda Termiz shahar 7-umumiy o‘rta ta’lim maktabi 8-sinfining 50 nafar o‘smir o‘quvchilar ishtirok etdilar.
Dj.Gilford testi bo‘yicha natijalarni tahlil qilishda quyidagi mezonga asoslandik:

1. 
   36 – 45 ballar ijodiy qobiliyat darajasi yuqori;
   
2. 
   27 – 35 ballar ijodiy qobiliyat darajasi o‘rtachadan yuqori;
   
3. 
   18 - 27 ballar ijodiy qobiliyat darajasi o‘rtacha;
   
4. 
   17 -9 ballar ijodiy qobiliyat darajasi o‘rtachadan past;
   
5. 
   8 ball va undan kam ijodiy qobiliyat darajasi past.