Конституция 2 меҳнат кодекси 7

14. Прокуратура органлари ходимларига қандай даражали махсус унвонлар берилади?
Олий даражали унвонлар:
Ҳақиқий Давлат адлия маслаҳатчиси,
1-даражали Давлат адлия маслаҳатчиси,
2-даражали Давлат адлия маслаҳатчиси,
3-даражали Давлат адлия маслаҳатчиси.
Юқори даражали унвонлар:
адлия катта маслаҳатчиси,
адлия маслаҳатчиси,
адлия кичик маслаҳатчиси;
Қуйи даражали унвонлар:
1-даражали юрист,
2-даражали юрист,
3-даражали юрист.
Даражали унвонларни бериш босқичма-босқич, ходимнинг эгаллаб турган лавозими ва меҳнат стажига мувофиқ, шунингдек, унинг ишчанлик ва шахсий фазилатларини ҳисобга олган ҳолда амалга оширилади.
Даражали унвон берилган прокуратура органларининг ходимлари мазкур унвонга умрбод эга бўлиб қоладилар. Ходим ножўя хатти-ҳаракат содир этганлиги учун прокуратура органларидан бўшатилганда даражали унвон ёки ҳарбий унвондан маҳрум этилиши мумкин.
Прокуратура органи ходими хизмат бурчини қўпол равишда бузганлиги ёки содир этган номуносиб хатти-ҳаракати учун унинг даражали унвони ёки ҳарбий унвони пасайтирилиши мумкин.
Прокуратура органлари ходимларини даражали ёки ҳарбий унвонлардан маҳрум этиш суд ҳукми бўйича ҳам амалга оширилиши мумкин.
15. Прокуратура органлари ходимларини рағбатлантириш турлари:
ташаккурнома;
пул мукофоти;
илгари берилган интизомий жазони амал қилиш муддати тугашидан аввал олиб ташлаш;
фахрий ёрлиқ;
совға;
қимматбаҳо совға;
навбатдан ташқари даражали унвон ёки навбатдаги даражали унвонни белгиланган муддат тугагунга қадар ёхуд эгаллаб турган лавозимидан қатъий назар бериш;
«Йилнинг энг яхши терговчиси» эсдалик нишони билан тақдирлаш;
«Йилнинг энг яхши давлат айбловчиси» эсдалик нишони билан тақдирлаш;
«Йилнинг энг яхши прокурори» эсдалик нишони билан тақдирлаш;
«Ўзбекистон Республикаси прокуратурасининг Фахрий ходими» кўкрак нишони билан тақдирлаш.
16. Прокуратура органлари ходимларига нисбатан қандай интизомий жавобгарлик чоралари қўлланилиши мумкин?
ҳайфсан;
ўртача ойлик иш ҳақининг эллик фоизидан ортиқ бўлмаган миқдорда жарима;
лавозимда пасайтириш;
даражали ёки ҳарбий унвонни бир поғонага пасайтириш;
хизмат вазифаларини мунтазам ёки бир марта қўпол равишда бузганлиги учун хизматдан бўшатиш.