Конституция 2 меҳнат кодекси 7

Мундарижа

КОНСТИТУЦИЯ 2
МЕҲНАТ КОДЕКСИ 7
ПРОКУРАТУРА ТЎҒРИСИДАГИ ҚОНУН 12
МАЪМУРИЙ ЖАВОБГАРЛИК ТЎҒРИСИДАГИ КОДЕКС 24
ЖИНОЯТ КОДЕКСИ 26
ЖИНОЯТ-ПРОЦЕССУАЛ КОДЕКСИ 33
ФУҚАРОЛИК КОДЕКСИ 44
ФУҚАРОЛИК ПРОЦЕССУАЛ КОДЕКСИ 62
“НОРМАТИВ-ҲУҚУҚИЙ ҲУЖЖАТЛАР ТЎҒРИСИДА”ГИ ҚОНУН 67
Иқтисодий суд ишларини юритишда прокурор иштироки 69
ҲУҚУҚБУЗАРЛИКЛАР ПРОФИЛАКТИКАСИ ТЎҒРИСИДА 91
ТЕЗКОР-ҚИДИРУВ ФАОЛИЯТИ ТЎҒРИСИДА 96
Криминалистика 111
СЕКТОРЛАР ФАОЛИЯТИ 126
ҚОНУНЧИЛИКДАГИ ЯНГИЛИКЛАР 129

КОНСТИТУЦИЯ

1992 йил 8 декабрда қабул қилинган.

Муқаддима, 6 бўлим, 26 боб, 128 моддадан иборат.
Асосий принциплар: Давлат суверенитети, Халқ ҳокимиятчилиги, Конституция ва қонуннинг устунлиги, Ташқи сиёсат.
Шахсий ҳуқуқ ва эркинликлар:
Яшаш ҳуқуқи ҳар бир инсоннинг узвий ҳуқуқидир (24-м).
Ҳар ким эркинлик ва шахсий дахлсизлик ҳуқуқига эга (25-м).
Айбсизлик презумпцияси. Ҳеч ким қийноққа солиниши, зўравонликка, шафқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмас. Ҳеч кимда унинг розилигисиз тиббий ёки илмий тажрибалар ўтказилиши мумкин эмас (26-м).
Ҳар ким ўз шаъни ва обрўсига қилинган тажовузлардан, шахсий ҳаётига аралашишдан ҳимояланиш ва турар жойи дахлсизлиги ҳуқуқига эга (27-м).
Ўзбекистон Республикаси Фуқароси Республика ҳудудида бир жойдан иккинчи жойга кўчиш, Ўзбекистон Республикасига келиш ва ундан чиқиб кетиш ҳуқуқига эга (28-м).
Ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ҳуқуқига эга (29-м).
Ҳамма учун виждон эркинлиги кафолатланади (31-м).
Сиёсий ҳуқуқлар:
Ўзбекистон Республикасининг фуқаролари жамият ва давлат ишларини бошқаришда бевосита ҳамда ўз вакиллари орқали иштирок этиш ҳуқуқига эгадирлар (32-м).
Фуқаролар ўз ижтимоий фаолликларини Ўзбекистон Республикаси қонунларига мувофиқ митинглар, йиғилишлар ва намойишлар шаклида амалга ошириш ҳуқуқига эгадирлар (33-м).
Ўзбекистон Республикаси фуқаролари касаба уюшмаларига, сиёсий партияларга ва бошқа жамоат бирлашмаларига уюшиш, оммавий ҳаракатларда иштирок этиш ҳуқуқига эгадирлар (34-м).
Ҳар бир шахс бевосита ўзи ва бошқалар билан биргаликда ваколатли давлат органларига, муассасаларига ёки халқ вакилларига ариза, таклиф ва шикоятлар билан мурожаат қилиш ҳуқуқига эга (35-м).