Консерватив (ортопедик) даволаш

Илгакли шинани қўйишга кўрсатмалар:

• 
  Пастки жағнинг тиш қатори бўйлаб синиб, бўлаклар силжиганлиги;
  
• 
  Пастки жағнинг икки–уч жойидан ( кўп сонли) синиши;
  
• 
  Пастки жағнинг тиш қатори орти (ретромоляр соҳа қисми) синиши;
  
• 
  Юқори жағнинг синиши, юқори ва пастки жағларнинг бир вақтда синиши (энгак-тепа айлана боғлами, юмшоқ ёки қаттиқ палахмонли стандарт боғлам қўйиш шарти билан).
  

Бўлакларнинг репозицияси осон кечмаса, ҳар бир бўлакка алоҳида шина қўйилади ва резина ҳалқалар билан юқори жағ шинасига тортиб қўйилади. Бўлаклар ўз ўрнига келганидан сўнг, қўшимча силлиқ шина ўрнатилади ёки тез қотувчи пластмасса билан маҳкамланади. Агарда бўлаклардан бири керагидан ортиқ даражада юқорига кўтарилиб кетса, антагонист тишлар орасига резина ёки пўкак қистирма қўйилади. Қистирма тасодифан аспирация қилинмаслиги учун уни тишга ёки шинага лигатура билан боғлаб қўйилади.