Конференцияга тақдим этилган мақолалардан танлаб олинган. Мазкур тўпламга етакчи маҳаллий мутахассисларнинг мақолалари билан

2021 йилдаги PISA тадқиқотида математик саводхонлик даражасини текшириш устуворлик касб этади.
(Биринчи мақола)
Мамлакатимизда таълимни ислоҳ қилиш устувор вазифалардан бирига айланган бугунги кунда 2021 йилда ўтказиладиган PISA баҳолаш дастурида 85 давлат қатори Ўзбекистон ҳам илк маротаба қатнашади. Бу, ўз навбатида, ўқувчиларнинг тадқиқотга муносиб тайёргарлик кўришини талаб этади. Бунда ўқувчиларимиз қимматли таҳлил ва хулосаларни олиши ҳамда халқаро миқёсда ўзини муносиб намоён этиши мумкин.
1990 йилларнинг охирида таълим сиёсатини ишлаб чиқиш учун тадқиқотларда аниқ илмий ёндашувни қўллаш ғояси Иқтисодий ҳамкорлик ва тараққиёт ташкилоти томонидан ўқувчиларнинг таълимдаги ютуқларини баҳолаш бўйича халқаро дастур – PISA тадқиқоти яратилишига олиб келди.
PISA тадқиқотида баҳолашнинг асоси, бу – математика, ўқиш, табиий фанлар ва қатор инновацион соҳалар бўйича жаҳон миқёсида мувофиқлаштирилган топшириқлар тўпламидир. Бундай баҳолаш ҳар 3 йилда иштирокчи мамлакатларнинг 15 ёшли ўқувчилари ўртасида тасодифий танлов асосида ўтказилади.
PISA фанларга оид билимларни, шунингдек,ўқувчиларнинг шу билимларни ҳатто нотаниш контекстда ҳам ижодий қўллаш қобилиятини баҳолайди. Шунингдек, бу дастур 16 ёшдан 65 ёшгача бўлган инсонлар ўртасида ўқиш саводхонлиги, математик саводхонлик ҳамда ахборот коммуникация технологияси (АКТ) соҳасидаги билимларни ўлчайдиган PIAAC дастури билан чамбарчас боғлиқ.
PISA тадқиқотлари ҳар бир мамлакатга ўзининг кучли ва заиф томонларини дунё таълим тизими билан қиёслаш имконини беради. Шунингдек, хорижий инвестицияларни жалб этади, яъни инвесторлар мамлакатда билимли, малакали кадрлар борми, деган саволга бу тадқиқот натижалари орқали жавоб топади.
2021 йилдаги PISA тадқиқотида математик саводхонлик даражасини текшириш устуворлик касб этади.
Маълумот учун, PISA тадқиқотига тайёргарлик кўриш учун математик саводхонлик йўналиши бўйича смартфондан фойдаланиш, даража хоссаларининг гўзаллиги, харид қилиш қарори, навигация каби топшириқларни бажариб, шуғулланиш керак бўлади.
Бу борада жаҳон тажрибаси қандай?