Kon ishlari asoslari

C = 1-0,01 Kr

Taxminiy hisoblash uchun qatlamning qalinligiga nisbatan C ning qiymatini quyidagi miqdorlarda qabul qilish tavsiya etiladi:

• 
  
  yupqa qatlamlar uchun — 0,92-0,9;
  
• 
  
  o‘rtacha qalinlikdagi qatlamlar uchun - 0,9-0,85;
  
• 
  
  qalin qiyaroq qatlamlar uchun - 0,85-0,82;
  
• 
  
  qalin tik qatlamlar uchun - 0,82-0,8;
  
• 
  
  qatlam qalinligining o‘rtacha zichligiga bo‘lgan ko‘paytmasi qatlam unumdorligi deyiladi va u quyidagi ifoda orqali aniqlanadi:
  

P = m ■ p, t/m².

Bunda m - qatlam qalinligi, m; p - ko‘mirning o‘rtacha zichligi, t/m³.

Ko‘mirning o‘rtacha zichligini taxminiy hisoblash uchun quyidagi qiymatlardan foydalanish tavsiya etiladi: antratsit - 1,6 t/m³, toshko‘mir uchun - 1,35 t/m³, qo‘ng‘ir ko‘mir uchun

• 
  
  1,2 t/m³.
  

Asosi 1 m² va balandligi qatlam qalinligiga teng bo‘lgan prizmadagi ko‘mir miqdori qatlam unumdorligini ifodalaydi.

Qazishga tayyorlanganlik darajasi bo‘yicha sanoat zaxirasi ochilgan, tayyorlangan va qazishga tayyor zaxiralarga bo‘- linadi.

Ochilgan zaxira - bu sanoat zaxirasini qazib olish uchun qo‘shimcha kapital lahimlar (stvollar, shtolnyalar, kapital kvershlaglar va bremsberglar) o‘tishni talab etmasdan qazib olinishi mumkin bo‘lgan sanoat zaxirasining bir qismi.

Tayyorlangan zaxiralar - bu asosiy tayyorlov lahimlari bilan chegaralangan va qazib olish uchun qo‘shimcha kon-tayyorlov lahimlarini o‘tishni talab etmaydigan ochilgan zaxiraning bir qismi.