Компютернинг асосий қурилмалари

Компютернинг асосий қурилмалари:
Система блоки. Компютернинг асосий қисми бўлиб, унинг ичида она платаси, микропроцессор, қаттиқ диск (винчестер), тезкор ва кэш хотира микросхемалари, ҳар хил ташқи қурилмалар ишини бошқарадиган электрон схемалар (контроллерлар ѐки адаптерлар), электр билан таъминловчи блок ва диск юритувчилар бор.
Монитор - дисплей ѐки экран. Компютердаги маълумотлар ва амалларни экранда тасвирловчи қурилма.
Клавиатура. Комьпютерга маълумотларни киритиш ва бошқариш қурилмаси.
Компютернинг қўшимча қурилмалари:
Сичқонча. Сичконча - маълумотни компютерга киритишни тезлаштирувчи ва компютер билан фойдаланувчи мулоқотни енгиллаштирувчи махсус қурилма.
Принтерлар. Маълумотларни босмага чиқариш қисми. Принтерлар лазерли, матрицали (игнали) ва сепувчи (пурковчи) турлари бор.
Модем. Маълумотлар билан телефон тармоғи орқали алоқа алмашиш қисми.
Сканерлар. Маълумотларни тасвир ҳолида компютерга киритиш қурилмаси. Сканерлар рангли ва рангсиз бўлади. Улар тасвирларни олиш сифати билан фарқланади.
Актив колонкалар. Мусиқа ва ҳар хил товушларни чиқариш қурилмаси. Актив колонкалар динамиклар сони (1 ѐки 2 динамикли) бўйича фарқланади. ва ҳоказо.
Планшет. Компютерга бирор чизма ѐки тасвирни махсус қалам ѐрдамида киритувчи мослама.
Диск юритувчилар. Дискета, лазерли дискларни ўқиш қурилмалари. Уларнинг 3,5 дюймли дискеталарни ва лазерли дискларни ўқиш ва ѐзишга мўлжалланган CD-ROM, CD-RW, DVD-RW каби турлари мавжуд.
Дискета. Юмшоқ магнитли диск. Маълумотларни вақтинча сақлаш ва бир компютердан иккинчисга ўтказиш учун хизмат қиладиган қурилма. 1,44 Мб ҳажмдаги ахборотларни сақлайди.
Лазерли дисклар. Катта ҳажмдаги маълумотларни сақлашга мўлжалланган бўлиб, 700 Мб гача ахборотни ўзида сақлайди. Уларнинг бир марта ва кўп марта ишлатиладиган турлари бўлади.
Флэш хотира. Рақамли тизимда ишловчи махсус ташқи хотира қурилмаси бўлиб, компютерга USB порт орқали уланади. Улар бир-биридан ҳажми билан фарқланади. 128 Мб, 256 Мб, 512 Мб, 1 Гб ли турлари мавжуд.