Kompyuter lingvistikasi terminlari lug'ati (glossariy) Аbzats

Slot – freymni tashkil etuvchi qismlar. Slotlarda obyektlarga xos belgilar ma'nosi qayd etilgan bo`ladi.
Sun'iy inteilekt – intellektual mashinalar, intellektual kompyuter dasturlari yara-tish texnologiyasi va bu haqidagi fan. Sun'iy inteilekt insondagi intellekt tushunchasining aynan immitatsiyasi emas, balki inson intellektual faoliyatining ko'plab qirralarini o'z ichiga olgan, modellashtirilgan tizimlar texnologiyasi demakdir. Ayni shu ma'noda “artificial intelligence” terminini birinchi marta Jon Makkarti 1956-yilda Darmut universitetidagi konferensiyada qo'llagan.
Tеzaurus (yun. thesauros “xazina”) – tilga oid leksik tarkibni to‘la hajmda aks ettiruvchi lug‘at.
Tеrmin (lot. terminus – “ chek”, “chegara”, “chegara belgisi”) – fan, texnika va boshqa sohaga oid tushunchani aniq ifodalaydigan, ishlatilish doirasi shu sohalar bilan chegaralangan so‘z yoki so‘z birikmasi. Terminlar bir ma'noli bo‘lishi, ekspressivlik va emotsionallikka ega bo‘lmasligi bilan ham umumiste'moldagi so‘zlardan farqlanadi. Mac., lingvistik terminlar: bo`g`in, urg`u, ega, kesim...; geometriyaga oid terminlar: yuza, to`rtburchak...; fizikaga oid terminlar: harakat,tezlanish, maydon; kimyoga oid terminlar: kumush, ishqor, tuz, rux va b.
Tobelik daraxti (shajara) – L.Tenyer g'oyalari ta'sirida shakllangan tobelik grammatikasi modeli bo'lib, u kompyuter lingvistikasining avtomatik analiz das-turlarida ishlatiladi. Bunda gap asosan daraxt ko'rinishida tasvirlanadi, jumla tarkibidagi so'zlar bir-biri bilan tobelik munosabatida bo'ladi {bevosita dominatsiya munosabati). Kesim daraxtning ildizida joylashadi va dominant bo`lak hisoblanadi, boshqa so'zlar (gap bo`laklari) unga bevosita yoki bilvosita (boshqa so'zlar yordamida) tobelangan bo'ladi.
Translyator – dasturlar (yoki kompilatorlar) –algorotmik til bilan inson yoki avtomatik qurilma (kompyuter) o`rtasida muloqotni ta’minlashda vositachi vazifasini bajaradigan dasturlar.