Kompyuter lingvistikasi terminlari lug'ati (glossariy) Аbzats

Avtomatik tarjima (mashina tarjimasi) – bir tildagi matnni ikkinchi bir tilga EHM (kompyuter) vositasida qisqa vaqt ichida tarjima qilish tizimi.
Avtomatik tahrir –kompyuter lingvistikasining asosiy yo'nalishlaridan biri bo`lib, kompyuterdagi matn muharrirlari (Microsoft Word, Excel, Wordpad, Lexicon) rivojlanishi bilan bogliq bo`lgan tahrir jarayoni. Avtomatik tahrir matndagi mexanik xatolarning avtomatik tarzda to'g'rilanishi va xato ekanligi haqidagi signallarning userga taklif etilishi kabilar bilan bog`liq.
Bevosita ishtirokchilar (immediate constituents) – sintaktik modellar. Bevosita ishtirokchiiar metodiga muvofiq tayanch nuqta konstruksiya hisoblana­di. Konstruksiya tarkibidan ishtirokchilar va bevosita ishtirokchilar ajratiladi.
Bilimlar injenerligi (Knowledge Engineering) – bilimlar bazasi bilan shug'ullanuvchi maxsus yo'nalish bo'lib, u sun'iy intellekt tizimining tarkibiy qismi sanaladi. Bilimlar injenerligi kognitiv lingvistika, kompyuter semantikasi va komp-yuter lingvistikasining yutuqlariga tayanadi.
Вilingvizm (lot. bi < bis – ikki marta + lingua – til) – ayn. ikki tillilik.
Bixevioristik yondashuv – mavjud an'anaviy o'qitish tizimining barcha jab-halarini e'tiborga oluvchi o'qitish mexanizmlari, bilimlarni baholash, shuningdek, leksik minimumlar bo'yicha bilimni nazorat qilishga yo'naltirilgan dasturiy ta'minotga asoslangan o'qitish tizimi. Bunda bixeviorizmning «stimul-reaksiya-mustahkamlash» formulasiga asoslaniladi. O'qitish usullari «stimul» (turtki) vazifasini bajaradi, o'rganuvchi bundan ta'sirlanadi va bilimni mustahkamlaydi.
Сall (Computer Assisted Language Learning) - til o'qitishni avtomatlashtirish – xorijiy tillarni kompyuter yordamida o'qitish tizimini ta'minlovchi amaliy dasturlar hamda bilimlarni avtomatik baholash mexanizmlari.
Ekspert tizimi – muayyan sohadagi ekspertlik yoki mavjud bilimlarning immi-tatsiyasi tarzida yaratilgan kompyuter dasturi. Ekspert tizimi maxsus sohaga oid barcha bilimlar jamlangan qomus yoki o'ta professional ekspertlarning kompyuter modelidir.