Kompyuter grafikasi paketlari fanini qo‘llanilish sohalari

Multimedia

Multimedia sohasi bo‘yicha ishlab chiqish bilan bog‘liq kompyuter grafikasi paketlari interaktiv dasturlar, entsiklopediyalar, ta’lim o‘yinlari va ularga mos ta’lim dasturlari va interfeyslarini tayyorlaydi.

Grafik dizayn

Bu fan sifatida vizual aloqa va taqdimotga qaratilgan badiiy va kasbiy fanlarga taalluqlidir.

Fikrlar va xabarlarning vizual tasvirini shakllantirish uchun belgilar, tasvirlar yoki so‘zlarni yaratish va birlashtirish uchun turli xil texnik vositalardan foydalaniladi. Grafik dizayner yakuniy natijani olish uchun tipografiya, tasviriy san’at va sahifalarni tuzish usullaridan foydalanishi mumkin.

Kompyuter animatsiyasi

Kompyuterda harakatlanuvchi tasvirlarni olish kompyuter animatsiyasi deb ataladi. “Animatsiya” so‘zi jonlantirish degan ma’noni anglatadi. Yaqin o’tmishda animatorlar o’z filmlarini qo’lda yaratdilar. Harakatni yetkazish uchun ular bir-biridan kichik o’zgarishlar bilan farq qiladigan minglab chizmalarni bajarishlari kerak edi. Keyinchalik bu chizmalar plyonkada suratga olindi.

Interyer dizayni

Bu odamlar bilan atrof-muhitning qulayligi va estetik jihatdan yoqimli o‘zaro ta’sirini ta’minlash uchun xonalarning ichki qismiga yo‘naltirilgan dizayn sohasi. Ichki dizayn badiiy va sanoat dizaynini birlashtiradi.

Dizayner xonadagi mehnatni optimallashtirishni amalga oshiradi, katta xonalarda navigatsiyani yaxshilaydi, ixtisoslashgan xonalarning dizaynini (masalan, ovoz yozish studiyalari, filmlarni tahrirlash, fotosuratlar, suv parklari) mijozlar talablariga muvofiq ishlab chiqadi.

Landshaft dizayni

Bu uchta sohaning chorrahasida joylashgan san’at: bir tomondan arxitektura, qurilish va dizayn (muhandislik yo‘nalishi), boshqa tomondan botanika va o‘simlikshunoslik (biologik jihat), uchinchi tomondan landshaft dizayni tarixdan (ayniqsa madaniyat tarixidan) va falsafadan olingan ma’lumotlardan foydalanadi

UI/UX dizayn

UI va UX dizaynerlari ilovalar va xizmatlarni loyihalashtiradilar. Ularning vazifasi oddiy, tushunarli va tez javob beruvchi interfeysni yaratishdir. Ular ilovalarni yaratuvchi kompaniyalar tomonidan va bevosita ular ishlaydigan xizmatlar - banklar, startaplar tomonidan yollanadi.

Mavzu bo‘yicha savollar

1. Kompyuter grafikasi paketlarida qanday vazifalar ko‘rib chiqiladi?

2. Kompyuter grafikasi paketlari fanining predmeti nima?

3. Kompyuter grafikasi paketlari hozigi kunda qaysi sohalarda keng ishlatilayapti?

4. Kompyuter garfikasi yo‘nalishlari ichidan qaysi birisi birinchi paydo bo‘lgan?

5. Grafik dizayn nima?

6. 3D grafik dasturlar bilan bog‘liq qanday dizayn yo‘nalishlari mavjud?

7. Illustratsiyali grafikani nimalar tashkil etadi?