Kompleks birikmalar. Kompleks birikmalarning olinishi va xossalari. Kompleks birikmalar ishtirokidagi oksidlanish-qaytarilish reaktsiyalari. Kompleks birikmalarning hosil bo’lishi va xossalari Tajriba-1

Kompleks hosil bo’lishiga eritma konsetratsiyasining ta'siri
Tajriba-11. AgNO₃ ni 1 ml eritmasiga ilk bor hosil bo’lgan AgJ sarg’ish cho’kmasi erib ketguncha tomchilab kaliy yoditni to'yingan eritmasidan qo’shing. Beqaror K[AgI₂] kompleks birikmasi hosil bo’ladi. Eritmani suyultirilganda kompleks buziladi va yana AgJ chokmasi tushadi. Reaksiya tenglamalarini yozing.
Tajriba-12. CoCI₂ ni to’yingan eritmasidan 1 ml oling va ammoniy rodanidni to’yingan eritmasidan 1 ml qo’shing. Och ko’k rangli (NH₄)[Co(SCN)₄] kompleks birikma hosil bo’ladi. Eritmani ikkiga bo’ling. Bir qismiga amil spirti, ikkinchi qismiga suv qo’shing. Eritmalarning rangiga qarab kompleksning spirtdagi va suvdagi barqarorligi haqida xulosa qiling.


Kompleks birikmalarda almashinish reaksiyalari
Tajriba-13. FeCl₃ eritmasiga bir necha tomchi kaliy geksasianoferrat (II) K₄[Fe(CN)₆] eritmasidan qo’shing. Almashiinsh reaksiyasi tufayli ko’k cho’kma - berlin siri hosil bo’ladi. Reaksiya tenglamasini yozing.

Kompleks birikmalar ishtirokidagi oksidlanish-qaytarilish reaksiyalari

Tajriba-14. KMnO₄ ni kislotali eritmasiga kaliy geksasianoferrat (II) K₄[Fe(CN)₆] eritmasidan qo’shing. K₃[Fe(CN)₆] kompleksi hosil bo’lish sababli permanganat eritmasi rangsizlanadi. Temirning oksidlanish darajasi o’zgaradimi?
Tajriba-15. Kumush ammiakati eritmasini oling va unga rux metalini qo’shing. Kumushning qaytarilishini kuzating. Reaksiya tenglamasini yozing.