Kompleks birikmalar. Kompleks birikmalarning olinishi va xossalari. Kompleks birikmalar ishtirokidagi oksidlanish-qaytarilish reaktsiyalari. Kompleks birikmalarning hosil bo’lishi va xossalari Tajriba-1

Kompleks birikmalar. Kompleks birikmalarning olinishi va xossalari. Kompleks birikmalar ishtirokidagi oksidlanish-qaytarilish reaktsiyalari.
Kompleks birikmalarning hosil bo’lishi va xossalari
Tajriba-1. Ag⁺, Cu²⁺, Ni²⁺, Zn²⁺ tuzlari eritmalariga NH₄OH eritmasidan tomchilab qo’shing. Hosil bo’lgan gidroksidlar cho’kmasini ortiqcha NH₄OH da eriting. Bunda quyidagicha kompleks ionli birikmalar hosil bo’ladi: [Ag(NH₃)₂⁺, [Cu(NH₃)₄]²⁺, Ni(NH₃)₆]²⁺, va [Zn(NH₃)₄]²⁺. Hosil bo’lgan kompleks eritmalariga ishqor eritmasidan qo’shing. Metall gidroksidlari cho’kmaga tushadimi?
Tajriba-2. CoCl₂·6H₂O, CuSO₄·5H₂O, CrCl₃·6H₂O va NiSO₄·7H₂O kristalgidratlarini tigelda qizdiring. Tuzlarning rangi o’zgaradi. Bunda [Co(H₂O)₆]²⁺, [Cu(H₂O)₄]²', [Cr(H₂O)₄]³⁺ va [Ni(H₂O)₆]²⁺ kompleks ionlar tutgan kristalgidratlar hosil bo’ladi.
Tajriba-3. 2 ml AgNO₃ eritmasiga NaCl ni to’yingan eritmasidan tomchilab qo’shing. Hosil bo’lgan AgCl cho’kmasi NaCl eritmasini ortiqchasida erib ketadi va beqaror Na[AgCI₂] kompleks birikmasi hosil bo’ladi. Bu eritmaga NaOH eritmasi qo’shilganda kumush gidroksidi cho’kmaga tushmasligi kompleks birkma hosil bo’lganini isbot qiladi. Solishtirish uchun AgNO₃ va NaOH eritmalarini qo’shib sinab ko’ring.
Tajriba-4. 2 ml Hg(NO₃)₂ eritmasiga KJ ni konsentrlangan eritmasidan tomchilab qo’shing. Hosil bo’lgan cho’kma KJ ortiqchasida K₂[HgJ₄] kompleks birikmasi hosil bo’lishi sababli erib ketadi. Eritmaga NaOH eritmasi qo’shilsa HgO cho’kmaga tushadimi? NaOH o’rniga Na₂S eritmasini olib sinab ko’ring.