Компьютер графикаси

OpenGL interfeysi

OpenGL kutubxonalar to‘plamidan tarkib topgan. Barcha bazaviy funksiyalar asosiy kutubxonada saqlanadi, belgilab qo‘yish uchun keyinchalik biz GL qisqartmasidan foydalanamiz. Bundan tashqari OpenGL o‘zida bir qancha qo‘shimcha kutubxonalarni qamrab oladi [2].
Ulardan birinchisi – GL (GLU – GL Utility) utilit kutubxonasi. Ushbu kutubxonaning barcha funksiyalari GL ning bazaviy fuknsiyalari orqali belgilanadi, masalan, keng tarqalgan geometrik primitivlar to‘plami (kub, shar, silindr, disk), splaynlar qurish funksiyalari, matritsalar ustida qo‘shimcha operatsiyalarni amalga oshirish (amallar bajarish) va x.k.
OpenGL da oynalar bilan ishlash yoki foydalanuvchi ma’lumot kiritishi uchun zarur hech qanday maxsus buyruqlar mavjud emas. Shu sabab foydalanuvchi bilan ishlash uchun va oynalar tizimi yordamida ma’lumotlarni ko‘rsatish uchun maxsus uzatuvchi kutubxonalar yaratilgan, ya’ni tez-tez ishlatiladigan funksiyalarning foydalanuvchilar bilan o‘zaro aloqasini ta’minlash uchun va oynali nimtizimlar yordamida axborotlarni aks ettirish uchun. GLUT (GL Utility Toolkit) kutubxonasi bugungi kunda keng tarqalgan. Umuman olganda GLUT kutubxonasi OpenGL tarkibiga kirmaydi, ammo de facto barcha distributlari tarkibiga kiradi va turli platformalar uchun ishlay oladi. GLUT OpenGL ilovalarini yaratish uchun minimal darajadagi kerakli funksiyalar to‘plamidan tashkil topgan. Funksional jihatdan GLX kutubxonasi nisbatan kamroq ommaviylashgan. Ushbu qo‘llanmada asosan GLUT kutubxonasi ko‘riladi.

3.1-rasm. OpenGL kutubxonalarining tashkil etilishi.

Bundan tashqari, odatda oynalar tizimi bilan ishlovchi funksiyalar uning amaliy dastur interfeysiga kiradi. Demak, OpenGLni ishlashini ta’minlovchi funksiyalar Win32 API va X Window lar tarkibida mavjud. Yuqorida keltirilgan rasmda, Windows tizimida ishlaydigan kutubxonalar tizimlarini tashkil qilish sxemasi keltirilgan. OpenGLning boshqa versiyalarida ham tashkil qilish shunga o‘xshash amalga oshiriladi.