Компьютер графикаси

Displeyli ro‘yxatlar

Agar biz bitta buyruqlar guruhiga bir necha marotaba murojaat qilsak, unda ularni displey ro‘yxati (display list) ga birlashtirish va zarur bo‘lganda uni chaqirish mumkin. Yangi displey ro‘yxatini hosil qilish uchun unga kirishi kerak bo‘lgan barcha buyruqlarni quyidagi operator qavslari orasiga joylashtirish kerak:
void glNewList (GLuint list, GLenum mode)
void glEndList ( )

Ro‘yxatlarni ajratish uchun butun musbat sonlardan foydalaniladi, berilgan ro‘yxat list parametri bilan beriladi, mode parametri esa ro‘yxatga kirgan buyruqni qayta ishlash rejimini tavsiflaydi:

GL_COMPILE buyruq bajarilmasdan oldin ro‘yxatga
yoziladi
GL_COMPILE_AND_EXECUTE buyruqlar oldin bajarilib, keyin ro‘yxatga yoziladi

Ro‘yxat tuzilgandan keyin, list parametrda kerakli ro‘yxatning identifikatorini ko‘rsatib, uni quyidagi buyruq bilan chaqirib olish mumkin:

void glCallList (GLuint list)
Birdaniga bir necha ro‘yxatni chaqirib olish uchun, quydagi buyruqdan foydalanish mumkin:
void glCallLists (GLsizei n, GLenum type, const GLvoid *lists)

Bu buyruq identifikatorlari lists massivida bo’lgan n ro‘yxatlarni chaqirib oladi. lists massivi elementlarining turi type parametrda ko‘rsatiladi. Bular quyidagi turlar bo‘lishi mumkin: GL_BYTE, GL_UNSIGNED_BYTE, GL_ShORT, GL_INT, GL_UNSIGNED_INT.

Ro‘yxatlarni o‘chirish uchun
void glDeleteLists (GLint list, GLsizei range)
buyrug‘i ishlatiladi. Bu buyruq ID identifikatorlarga ega bo‘lgan list ≤ ID ≤ list+range-1 diapazonida ro‘yxatlarni o‘chiradi.

Masalan:
glNewList(1, GL_COMPILE);

glBegin(GL_TRIANGLES);
glVertex3f(1.0f, 1.0f, 1.0f);
glVertex3f(10.0f, 1.0f, 1.0f);
glVertex3f(10.0f, 10.0f, 1.0f);
glEnd();
glEndList()
…
glCallList(1);

Displey ro‘yxatlari optimal, kompilyasiya qilingan holatda server xotirasida saqlanadi. Bu shakl primitivlarni maksimal tezlikda chizishga imkon beradi. Shu bilan birga, katta hajimli ma’lumotlar xotirani ko‘p qismini egallaydilar, bu o‘z navbatida, unumdorlikning pasayishiga olib keladi. Bunday katta hajmlarni (bir necha o‘n ming primitivlar) uchlar massivlari bilan chizish qulay.