Компьютер графикаси

Tasvirlarni aralashtirish. Shaffoflik

Har xil shaffof obyektlar - oyna, shaffof idishlar va boshqalar ko‘pincha amaliyotda (hayotda) tez-tez uchraydi, shuning uchun interfaol grafikada ham shunday obyektlarni tashkil qilish kerak. OpenGL dasturchiga yarim shaffof obyektlar bilan ishlash mexanizmini taqdim etadi va buning qisqacha ta’rifi ushbu bo‘limda beriladi.
Shaffoflik ranglarni aralashtirishning maxsus rejimi yordami bilan amalga oshiriladi (blending). Aralashtirish algoritmi allaqachon buferda saqlanayotgan mos piksellar rangi bilan kirish piksellari (ya’ni bufer kadrida joylashgan “nomzodlar”) deb ataluvchi ranglarni kombinatsiya qiladi. Aralashtirish uchun rangning to‘rtinchi qismi - alfa qism ishlatiladi, shuning uchun bu rejim alfa-aralashtirish deb ham ataladi. Dastur asosiy ranglar bilan qancha tez ishlasa, xuddi shunday alfa qism bilan katta tezlikda ishlaydi, ya’ni primitivning har bir uchi yoki har bir piksel uchun tezkorlik qiymatini beradi.
Rejim glEnable(GL_BLEND) buyrug‘i yordamida o‘rnatiladi.
Aralashtirish parametrlarini quyidagi buyruq yordamida aniqlash mumkin:
void glBlendFunc (enum src,enum dst)


src parametri pikselning dastlabki rangi k₁ koeffisientini qanday olish mumkinligini belgilasa, dst parametri bufer kadridagi rang uchun k₂ koeffisientni olish usulini beradi.
Natijaviy rangni olish uchun quyidagi formula ishlatiladi: res=s_src*k₁+c_dst*k₂, bu yerda s_src – dastlabki piksel rangi, c_dst – bufer kadri ichidagi piksel rangi (res, k₁, k₁, s_src, c_dst – to‘rt qismli RGBA-vektori).
Tez-tez ishlatiladigan src va dst argumentlarining qiymatlarini keltiramiz.
GL_SRC_ALPHA k=(A_s,A_s,A_s,A_s)
GL_SRC_ONE_MINUS_ALPHA k=(1,1,1,1)-(A_s,A_s,A_s,A_s)