Компьютер графикаси

Obyektlarga teksturalar qo‘yish.
Teksturalar qo‘yishda, yuqorida ta’kidlanganidek, teksturaning o‘lchami u qo‘yilayotgan obyektning oynasi o‘lchamidan farq qilishi holatlarini hisobga olish kerak. Bunda tasvirni cho‘zish, siqish, ushbu o‘zgartirishlar qanday olib borilishi, qurilayotgan tasvir sifatiga jiddiy ta’sir qilishi mumkin. Teksturada nuqta holatini aniqlash uchun koordinalarning parametrik tizimi (s,t) dan foydalaniladi, s va t qiymatlari [0,1] oraliqda yotadi (3.8. rasm).

3.8-rasm. Tekstura koordinatalari.

Teksturaning turli parametrlarini o‘zgartirish uchun quyidagi buyruqlardan foydalaniladi:

void glTexParameter [i f] (GLenum target, GLenum pname,GLenum param)
void glTexParameter[i f]v (GLenum target, GLenum pname, Glenum* params)

Shunda target GL_TEXTURE_1D yoki GL_TEXTURE_2D qiymatlarini qabul qilishi mumkin, prame qaysi xususiyatni almashtirishimizni belgilaydi, param yoki params yordamida yangi qiymat o‘rnatiladi. pname ning mumkin bo‘lgan qiymatlari:

GL_TEXTURE_MIN_FILTER param parametri teksturalarni siqish uchun ishlatiladigan funksiyani belgilaydi. GL_NEAREST qiymatida bitta (yaqin) va GL_LINEAR qiymatida to‘rtta yaqin tekstura elementlari ishlatiladi. Shart kiritilmagandagi qiymati: GL_LINEAR.
GL_TEXTURE_MAG_FILTER param parametri teksturani kattalashtirish (cho‘zish) uchun ishlatiladigan funksiyani belgilaydi. GL_NEAREST qiymatida bitta (yaqin) teskura elementi ishlatiladi. Shart kiritilmagandagi qiymati: GL_LINEAR.
GL_TEXTURE_WRAP_S param parametri s koordinata qiymatini o‘rnatadi, agar u [0,1] kesma oralig‘ida bo‘lmasa. GL_ REPEAT qiymatida s ning butun qismi olib tashlanadi va natijada tasvir yuza bo‘yicha ko‘payadi. GL_CLAMP qiymatida chetki qiymatlar ishlatiladi: 0 yoki 1, agar obyekt ustiga bitta tasvir tushirilsa qo‘llash qulay bo‘ladi. Shart kiritilmagandagi qiymati: GL_REPEAT.